Լոնդոնում հերքել են Քլունիի հարսանիքի օրվա մասին տեղեկությունը

1in.am-ը գրում է.

Լոնդոնում՝ Չելսիի հին ռատուշայի ամուսնությունների գրանցման վայրը, որտեղ ենթադրաբար պետք է տեղի ունենա Ջորջ Քլունիի ու Ամալ Ալամուդդինի հարսանիքը, հերքում է, որ արարողությունը պետք է տեղի ունենա սեպտեմբերի 12-ին, հայտնում է The Daily Mirror-ը:

Հաստատության դռներին փակցվել է հայտարարություն հետևյալ բովանդակությամբ՝ «Ջորջ Քլունին չի ամուսնանա այսօր (ուրբաթ, 12 սեպտեմբերի)»:

Դրանում նշվել է նաև, որ ամուսնության մասին տեղեկությունը գաղտնի է ու հրապարակման ենթակա չէ:

Ռատուշայի աշխատակիցները խնդրել են ԶԼՄ-ների ներկայացուցիչներին չխանգարել այդ օրը ծրագրված մյուս միջոցառումներին: