1in.am-ը գրում է.
ԱՄՆ պետքարտուղար Ջոն Քերին Ուելսում ՆԱՏՕ-ի՝ վերջերս տեղի ունեցած գագաթնաժողովի շրջանակներում արդյունավետ հանդիպում է ունեցել Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հետ: Այս մասին Trend-ին հայտնել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Ուորլիքը նշել է, որ Հայաստանի և Ադրբեջանի նախագահները հաստատել են իրենց հավատարմությունը՝ Լեռնային Ղարաբաղի հակամարտությունը լուծելու խաղաղ ճանապարհով:
Ուորլիքի խոսքով՝ ԵԱՀԿ Մինսկի խումբը ակնկալում է, որ հոկտեմբերի վերջին Փարիզում տեղի կունենա Հայաստանի, Ադրբեջանի և Ֆրանսիայի նախագահների եռակողմ հանդիպում:
«Մենք հույս ունենք, որ նախագահների բանակցությունները կլինեն կառուցողական »,- ասել է նա՝ հավելելով, որ հակամարտության լուծումը կգտնվի, երբ կողմերը ցույց տան խաղաղության հասնելու իրենց պատրաստակամությունը:
