Araratnews.am-ը գրում է.
«Իրազեկ և պաշտպանված սպառող» ՀԿ նախագահ Բաբկեն Պիպոյանն ուսումնասիրել է քաղաքապետարանի տրամադրած 1000 պայմանագրերից շուրջ 59-ը, որոնք վերաբերում են գնումների մրցույթներին:
Պիպոյանը վստահ է, որ ոլորտում հենց պետության կողմից պետք է սահմանվեն իրատեսական գներ:
Նա մի քանի օրինակներ բերեց` հաստատելու, որ գնումների համար անցկացվող մրցույթները «անհասկանալի» սկզբունքով են անցկացվում:
Օրինակ` բուլկի մատակարարող ընկերությունը շահել է 115 դրամով բուլկի մատակարարելու իրավունք: Այն դեպքում, երբ, օրինակ, «Սևանի հացի գործարանը» ներկայացել էր մրցույթին 58 դրամով:
Շատ դեպքերում, ըստ Պիպոյանի, նաև քաշի մեջ են խաբում, ինչը կարող է երեխաների մոտ թերսնուցման պատճառ դառնալ:
Կաթ մատակարարող մի ընկերություն շահել է մատակարարման իրավունքը 269 դրամով, այն դեպքում երբ խոշոր արտադրողների մեծ մասը 350 դրամից պակաս չի առաջարկում: Նույն վիճակն է ձվի դեպքում. հիմնականում մատակարարվում են 25 օրվա վաղեմության ձվեր, այնինչ ցանկալի է, որ ձուն լինի գոնե 7 օրվա:
«Եթե մեխանիզմ չներդրվի, իրավիճակը նույնն է մնալու»,- ասում է Պիպոյանը:
Մսամթերք մատակարարող ընկերությունների դեպքում պատկերը կրկին նույնն է.
««Նուբար1 ՍՊԸ»-ն շահել է 1800 դրամով տավարի փափուկ միս մատակարարելու իրավունք, այն դեպքում, երբ շուկայում նման միսը շատ անգամ ավելի թանկ արժե: Հետո, եթե պարզվի, որ մանկապարտեզներին մատակարարվել է սատկած տավարի միս, չպետք է զարմանանք: Երբ «Էդուարդ Մխիթարյան» ՍՊԸ-ն մրցույթին ներկայացել է 1200 դրամ հավի մսի և 1550 դրամ հավի կրծքամսի մատակարարման համար վճարելու դիմումով, ոչ ոքի չի հետաքրքրել, թե արդյոք այդ ընկերությունն ունի՞ տեղափոխման, պահպանման և այլ պայմաններ»,- ասում է Պիպոյանը:
Ամբողջական հոդվածը կարող եք կարդալ այստեղ
