1in.am-ը գրում է.
Ամերիկացի փորձագետները ենթադրում են, որ Google-ի օնլայն թարգմանիչում օգտագործվել է գաղտնի կոդավորված ալգորիթմ՝ հիմնված Lorem Ipsum արտահայտության վրա: Այս մասին հայտնել են FireEye կայքի ներկայացուցիչները:
Արտահայտությունը համարվում է իմաստազուրկ ու համացանցում օգտագործվում է դիզայներների կողմից՝ էջերի դատարկ մակետները լրացնելու համար:
Կայքի տվյալով՝ գաղտնազերծումը հայտնաբերել է IT-մասնագետ Մայքլ Շկուրին:
Ալգորիթմի մեջ, նրա կարծիքով, ներմուծվել է թարգմանիչ, որտեղ օգտատիրոջ կողմից գրված արտահայտությունները հաճախ աշխարհաքաղաքական իմաստ են ունեցել:
Ընդ որում՝ օրեցօր թարգմանիչի ալգորիթմը փոխվել է, ինչը փորձագետներին հանգեցրել է այն մտքին, որ խոսքը սովորական սխալի մասին չէ, այլ ներդրված կոդի, որը կարող էր օգտագործվել այս կամ այն կազմակերպության կողմից:
Հաղորդվում է, որ օգոստոսի 16-ին Google ընկերությունը ուղղել է հավելվածը, և այն այլևս լատիներեն արտահայտության թարգմանության տարօրինակ տեսակներ չի տալիս:
Lorem Ipsum արտահայտությունը պարունակվում է փիլիսոփա Մարկ Տուլիոս Ցիցերոնի տրակտատներից մեկում: