1in.am-ը գրում է.
Կանադան առաջիկա օրերին կսկսի Իրաքում գտնվող քրդական զինված ուժերին զենք ու զինամթերք ուղարկել, որպեսզի օգնի նրանց դիմակայել «Իսլամական պետություն» խմբավորման գրոհայիններին: Այս մասին հաղորդում է Associated Press-ը:
Կանադայի վարչապետ Սթիվեն Հարփերը հայտարարել է, որ առաջիկա մի քանի օրվա ընթացքում երկու բեռնատար ինքնաթիռներ` CC-177 Clobemaster-ը և CC-130J Hercules-ը Էրբիլ զենք կփոխադրեն: Յուրաքանչյուր չվերթ կուղեկցի կանադական զինված ուժերի 30 անդամ:
«Կանադան անգործ չի նստի, քանի դեռ «Իսլամական պետությունը» շարունակում է սպանել անմեղ քաղաքացիներին և կրոնական փոքրամասնություններին: Մենք հետևում ենք Իրաքի դրությանը և պատրաստ ենք հետագայում էլ օգնություն հատկացնել»,- ասել է Հարփերը:
Նյութի աղբյուր՝ http://www.1in.am/1401996.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել