Սիրիայի կառավարական զորքերի` Հալեպի գործողությունը ղեկավարող գեներալը խոստացել է «մաքրել» քաղաքը ընդդիմադիրներից` 20 օրվա ընթացքում:
Գեներալը, ով խնդրել է չհրապարակել իր անունը, հայտարարել է, որ ընդդիմության շարքերում կռվում են թուրքեր, չեչեններ, աֆղաններ, լիբիացիներ, ինչպես նաև «սիրիացի մարդասպաններ և մաքսանենգներ»: Նրա խոսքերով` բազմաթիվ օտարերկրյա զինյալների գոյության մասին վկայում են նաև Հալեպի բնակիչները:
The Independent-ի` Սիրիայում գտնվող թղթակից Ռոբերտ Ֆիսկը նշել է, որ իր աչքերով է տեսել ապստամբներից վերցված զենքերը, որոնց մեջ ռուսական և խորհրդային զենքերից բացի եղել են իսպանական, բելգիական զենքեր, ինչպես նաև անհայտ ծագման ձեռքի նռնակներ:
Բացի այդ, սիրիացի զինվորականները պատմել են, որ ընդդիմադիր յուրաքանչյուր խմբավորում ունի բուժկետ, որտեղ օգտագործվում են արտասահմանյան արտադրության դեղորայք և նյութեր:
Ֆիսկի տվյալներով` քաղաքի կենտրոնը կառավարական զորքերի վերահսկողության տակ է, սակայն մարտերը չեն դադարում, իսկ ընդդիմադիրները ակտիվորեն դիպուկահարների է օգտագործում:
Ավելի վաղ բրիտանական The Guardian-ի թղթակից Մարտին Չուլովը պատմել էր, որ Հալեպում լավ զինված իսլամիստ-զինյալների խմաբվորում է գործում: Նրանց թվում կռվում են չեչեններ և ուզբեկներ:
Չուլովը նշել է, որ զինյալները չեն թաքցնում, թե որտեղից են եկել:
«Այստեղ կան մարդիկ ամեն տեղից. Պակիստանից, Սաուդիան Արաբիայից, ինչպես նաև չեչեններ և ալժիրցիներ»,- ասել է նա:
Չուլովը նշել է, որ այդ տղամարդիկ հիմնականում սև հագուստով են, գլխաշորերով. «Նրանց մեծ մասը մորուքավոր են և նրանց մեծ մասը իսլամիստ արմատականների է նման»:
Նյութը՝ Tert.am-ից
