1in.am-ը գրում է.
Մեծ Բրիտանիայի ավելի քան 1 մլն պետական ծառայողներ այսօր կմասնակցեն 24-ժամյա գործադուլի՝ պահանջելով աշխատավարձի ու թոշակների ավելի արդարացի պայմաններ: Այս մասին հաղորդում է BBC-ն:
Ինչպես սպասվում է՝ դա կհանգեցնի հազարավոր դպրոցների, գրադարանների և աշխատանքի կենտրոնների փակման, ինչպես նաև կխաթարի աղբահավաքումն ու անձնագրերի ձևակերպումը:
Հիմնական գործադուլավորները ամենացածր վարձատրվող աշխատակիցներն են՝ հավաքարարներ, դպրոցական ճաշարանների աշխատակիցներ: Ինչպես երևում է, բողոքի ակցիային կմասնակցեն նաև որոշ ուսուցիչներ, հրշեջներ, տրանսպորտի աշխատակիցներ:
Արհմիությունների տվյալներով՝ ներկայիս վարչապետ Դևիդ Քեմերոնի իշխանության գալուց ի վեր պետական ծառայողների աշխատավարձի մակարդակը նվազել է 20%-ով, մինչդեռ կյանքն անընդհատ թանկանում է: Իր դերն է խաղացել նաև տնտեսական ճգնաժամը, որի պատճառով իշխանությունները վճռել էին սառեցնել աշխատավարձի աճը: