Ինչու՞ մենք չենք լվացվում

Մի քահանա, ով հոգնեց լսելուց մարդկանց պատճառաբանությունները, թե ինչու եկեղեցի չեն այցելում, որոշեց գրել հետևյալը։

1. Մանուկ ժամանակ ինձ ստիպում էին, որ ես լվացվեմ, այդ իսկ պատճառով հիմա չեմ լվացվում
2. Ինձ երբեք չեն սովորեցրել լվացվել
3. Նրանք, ովքեր լվացվում են, երեսպաշտներ էն։ Իրենց թվում է, թե իրենք ուրիշներից մաքուր են
4. Չեմ կողմնորոշվում, թե որ օճառն է ավելի լավը
5. Ես սովորաբար լվացվում էի, սակայն մի օր ուղղակի ձանձրացա դրանից
6. Ես լվացվում եմ միայն կարևոր տոների ժամանակ՝ ինչպիսիք են Սբ. Ծնունդը և Սբ. Հարությունը
7. Ընկերներիցս ոչ մեկ չի լվացվում, այդ իսկ պատճառով ես էլ չեմ լվացվում
8. Ես կվերսկսեմ լվացվել, երբ ծերանամ և շատ կեղտոտ լինեմ
9. Ուղղակի ժամանակ չունեմ 
10. Ջուրը ձմռանը շատ սառն է, իսկ ամռանը՝ շատ տաք
11. Չեմ ուզում, որ օճառ պատրաստողները իմ հաշվին հարստանան
12. Բոլոր օճառները նույնն են և դրանք պատրաստված են սպիտակ խալաթներով մարդկանց կողմից
13. Աշխարհի բոլոր պատերազմների պատճառը օճառներն են
14. Բոլոր տեսակի օճառները ունեն իրենց թերրությունները։ Ես գործածում եմ երեք տեսակ միասին։ Դա լավագույն համադրությունն է
15. Գիտությունը արդեն ապացուցել է, որ նույնիսկ ամենակատարյալ օճառը չի կարող վերացնել բոլոր մանրէներն ու կեղտի ատոմները, ուստի՝ լվացվելը կեղծիք է և «օպիում բոմժերի համար»
16. Բոլոր օճառները պարունակում են քիմիական տարրեր և չափազանց վնասակար են մարդու մաշկի համար
17. Դուք կարող էք վարժեցնել ձեր զավակներին օճառի գործածմանը։ Երբ նրանք մեծանան, նրանք ինքները կհասկանան, թե լվացվելը իրենց համար լավ է, թե վատ, և եթե լավ է, ապա այդ դեպքում որ օճառը պիտի օգտագործեն։