1in.am-ը գրում է.
ԱՄՆ Փրինսթոնի համալսարանի դասախոս, պրոֆեսոր Դանիել Ալենը ավելորդ կետ է հայտնաբերել ամերիկյան Անկախության հռչակագրի բնօրինակում, որը ընդունակ է «հրահրել» ամբողջ փաստաթղթի ոչ ճիշտ ընկալում՝ հաղորդում է Telegraph թերթը: Պրոֆեսորը այդ սխալի ապացույց է համարում այն հանգամանքը, որ հետագա բոլոր հրապարակումներում այն բացակայում է:
«Կետը տպավորություն է ստեղծում, որ ակնհայտ ճշմարտությունների ցուցակը ավարտվում է կյանքի, ազատության ու երջանկության ձգտմամբ»,- ասել է գիտնականը:
Ըստ նրա՝ պակաս կարևոր տեղեկություն չէ նաև այն, որ այդ ազատություններին հասնելու համար մեծ դեր է խաղում պետությունը:
Ալենի հայտնագործությունը ԶԼՄ-ների ուշադրությունն է գրավել նախօրեին ԱՄՆ Անկախության օրվա կապակցությամբ: 1776թ. հուլիսի 4-ին 13 նահանգների ներկայացուցիչներ ստորագրել են փաստաթուղթ, որը ԱՄՆ-ը հռչակել է Մեծ Բրիտանիայից անկախ պետություն: