Ավստրիայի ոստիկանությունը պարզաբանում է երիտաարդական երեկույթի մասնակիցներից մեկի սպանությունը: Նախնական տվյալներով` նրան սպանել է իր իսկ ընկերը` վրեժ լուծելով անչափահաս աղջկան ծաղրելու համար: Ամենայն հավանականությամբ, չարագործին ստիպել են տուժածի հետ սեռական կապի մեջ մտնել: Այս մասին գրում է Die Kronen Zeitung պարբերականը: Հետաքննության ներքո է հայտնվել Գրացի 16-ամյա բնակիչ Սեբաստիան Ս.-ն: Դեռահասի հետ ձերբակալվել է նաև նրա 86-ամյա պապիկը, որն օգնել է նրան ազատվել մարմնից: Երեքշաբթի օրը Սեբաստիանը քննիչներին ցույց է տվել այն վայրը, որտեղ թաղվել է Մարսել Ս.-ն: Մարմինը գտնվել է Հունգարիայի տարածքում: Ըստ գործի նյութերի` կիրակի օրը՝ հունիսի 22-ին, դեռահասների խումբը երեկույթ է կազմակերպել տան նկուղում: Նշվում է, որ հյուրերի թվում եղած Մարսել Ս.-ն ստիպել է իր հասակակից Սեբաստիան Ս.-ին երեկույթի ժամանակ բռնաբարել 14-ամյա աղջկան: Չդիմանալով խղճի խայթին` Սեբաստիանը պապիկից սենյակից վերցրել է հրացանն ու կրակել Մարսելի վրա: Ըստ մեկ այլ վարկածի` Սեբաստիանը Մարսելի վրա կրակել է աղջկան նրա ձեռքերից ազատելու համար:
1in.am-ը գրում է.
