ArmnewsTV.am-ը գրում է.
Արտասահմանյան մակնիշի գոլդ պետհամարանիշով մեքենան տեղափոխվել է տուգանային հրապարակ: Տարբեր պատճառներով` օրական այստեղ են բերվում մի քանի տասնյակ մեքենաներ: Այս դեպքն արտառոց է: «Պրադո» մակնիշի մեքենայի վարորդը Աբովյան փողոցով երթևեկել է հակառակ ուղղությամբ: Միակողմանի փողոցով` վարորդը անցել է մոտ 100 մ. ճանապարհ:
Ճանապարհային ոստիկանության աշխատակիցների հետ զրույցում վարորդը վստահեցրել է, որ անգիտակցաբար է երթևեկել փողոցի հակառակ ուղղությամբ: Մինչդեռ փողոցում ամրացված է Աբովյան փողոցի միակողմանի լինելու մասին զգուշացնող ցուցանակ:
Արսեն Արշակյանի խոսքով` օրենքի չիմացությունը վարորդին չի ազատում վարչական պատասխանատվությունից: «Պրադո» մեքենայի վարորդը տուգանվել է նվազագույն աշխատավարձի 30-ապատիկի չափով` 30.000 դրամ:
Տեսանյութը կարող եք դիտել այստեղ
