«Ամուսինս ինձ սովորեցրել է սիրել ամեն օրը, իմ ամեն ավելացած կնճիռը». Զառա Արամյանը նշել է ծննդյան տարեդարձը

Դերասանուհի, հաղորդավարուհի Զառա Արամյանը երեկ տոնել է իր ծննդյան օրը, նրան կեսգիշերն անց առաջինը շնորհավորել է, ինչպես ինքն է ասում, «երջանկության եռյակը»՝ ամուսինը, դուստրն ու որդին: Life.panorama.am-ին Զառան  պատմեց, որ այդ պահին հրաշքի պես մի բան է կատարվել, որը շատ է ուրախացրել բոլորին. «Հենց ընտանիքիս անդամներն ինձ շնորհավորեցին, դրսում ինչ-որ առիթով հրավառություն սկսվեց, և մենք բոլորս շատ ոգևորվեցինք.  դա հաճելի պատահականություն էր»,-ասաց նա:

Դերասանուհուն հատկապես ուրախացրել է այն հանգամանքը, որ ով իրեն շնորհավորել է, նույն բովանդակությամբ մաղթանք է հղել. «Բոլորն ասում էին՝ այն էներգիան, որ դու ես փոխանցում մարդկանց, թող քեզ վերադառնա, որ էլի հետ տաս մեզ: