1in.am-ը գրում է.
Ցարնաևի փաստաբանները խնդրում են դատը Բոստոնից տեղափոխել այլ քաղաք: Պաշտպանների կարծիքով՝ քաղաքի բնակչության մեծ մասը վստահ են իրենց պաշտպանյալի մեղավորության մեջ: Բոստոնի Դաշնային դատախազությունը դատարանին խնդրում է մերժել Ջոհար Ցարնաևի փաստաբանների խնդրանքը՝ հաղորդում է Korrespondent.net-ը:
Պաշտպանական կողմը պնդում է, որ Բոստոնում, որտեղ 2013-ին տեղի է ունեցել ողբերգությունը, և որի կազմակերպման մեջ մեղադրվում է դատապարտյալը, անհնար է երդվյալ ատենակալների անաչառությունը: Պատճառը Բոստոնի մամուլում գործի ոչ օբյեկտիվ լուսաբանումներն են:
Դատախազությունն էլ իր հերթին հայտարարում է, որ փաստաբանները ոչ մի կոնկրետ օրինակ չեն ներկայացրել, որ Բոստոնի ԶԼՄ-ները բացասական իմիջ են հաղորդում դատապարտյալին:
Նշենք, որ համաձայն փաստաբանների անցկացրած հարցման՝ Բոստոնի բնակիչների 58 տոկոսը բացարձակապես վստահ է Ցարնաևի մեղավորության մեջ: