Ասում են, թե օրական մեկ խնձոր ուտելով, բժիշկներից հեռու կմնաս: Իսկ ի՞նչ կարող անել 8 բաժակ ջուրը: Ստամոքսի փքում առաջացնելուց զատ՝ ջուրն օրգանիզմի համար կատարում է մի շարք կարևոր ֆունկցիաներ: Նորմալ գործունեության համար մեր մարմնի յուրաքանչյուր բջիջ ջրի կարիք ունի: Նյութափոխանակությունը չի կարող տեղի ունենալ առանց ջրի: Մարդկային օրգանիզմի 55-75 տոկոսը կազմում է ջուրը: Հաշվի առնելով այն փաստը, որ օրվա ընթացքում մեր մարմինը ծախսում է մոտ 8 բաժակ ջուր՝ շնչառության, քրտնարտադրության և միզարտադրուտթյան հետևանքով, ջրի պակասը համալրելու պահանջը կենսական կարևորություն է ներկայացնում: Ահավաստիկ 5 փաստ ջրի վերաբերյալ, որոնց մասին դուք տեղյակ չեք: Ընթերցելով նյութը՝ վերջապես կսկսենք խմել ջուրը՝ Ձեր օրգանիզմի պահանջները բավարարելու համար:
1․Ջուրը բարելավում է ուղեղի գործունեությունը
Դուք չմտապահեցի՞ք, թե ինչի մասին էր մեր հոդվածի նախաբանը, ապա ձեր ուղեղը հյուծված է: Ուղեղի 80 տոկոսը կազմում է ջուրը, ուստի այդ պաշարն անհրաժեշտ է անընդհատ համալրել: Կլինիկական փորձարկումները ցույց են տվել, որ ուղեղի ջրազրկումը վատթարացնում է կարճաժամկետ հիշողությունը և խանգարում է ուշադրության կենտրոնացմանը: Տրամաբանությունն այստեղ պարզ է․ ուղեղի կազմության հիմնական բաղադրիչի սակավությունը հանգեցնում է ֆունկցիոնալ խանգարումների: Դա նման է առանց յուղի ավտոմեքենան վարելուն:
2․Ջուրը կանխարգելում է հիվանդությունները
Հոդաբորբով, քաղցկեղով և սրտանոթային հիվանդություններով այսօր տառապում են միլիոնավոր մարդիկ, սակայն այդ տխուր վիճակագրության բաղկացուցիչը դառնալուց կարելի է խուսափել՝ ջուր խմելով: Ջրի առատությունն օրգանիզմն ազատում է թունավոր նյութերից՝ տոքսիններից, թեև զուգարան վազելու անհրաժեշտութըունը հաճախանում է: Կրճատելով այն ժամանակահատվածը, որի ընթացքում այդ տոքսիններն ախտահարվում են մեր աղիքներն ու լեղապարկերը, մենք նվազեցնում ենք քաղցկեղի առաջացման հավանականությունը: Ջուրը մեր օրգանիզմից դուրս է բերում ոչ միայն թունավոր նյութերը, այլ նաև ավելորդ աղերը: Ուսումնասիրությունները ցույց են տվել, որ աղային կուտակումները հանգեցնում են արյան բարձր ճնշմանը: Նույնիսկ սրտայրոցը կարելի է կանխարգելել՝ մարսողության համակարգին առատորեն ջուր մատուցելով:
3․Ջուրն օգնում է ազատվել ավելորդ քաշից
Քաղցա՞ծ եք: Փորձեք ձեր ստամոքսը լցնել մի բաժակ ջուր: Այն կալորիաներ կամ ճարպեր չի պարունակում և ախորժակը փակող հիանալի միջոց է: Բացի այդ, մի բաժակ ջուրն ակտիվացնում է նյութափոխականությունը: Բժշկական հետազոտություներն ցույց են տվել, որ երկու բաժակ ջուր խմելուց 10-40 րոպե անց մեծ թափով սկսվում է նյութափոխանակության գործընթացը, որի ժամանակ կալորիաներն այրվում են 30 տոկոս ավելի արագությամբ: 1 տարվա ընթացքում կարելի է ազատվել 2կգ ճարպից:
4․Ջուրը մաքրում է խոռոչները
Ասում են, թե ժպիտը միլիոն արժե, ու դրա համար կարիք չկա նույնիսկ 1 դրամ ծախսել: Այնուհանդերձ, մեր թանկագին ատամները ճերմակ ու առողջ պահելը ոչ բոլորին է հասու: Բոլորս գիտենք, որ ներքին օրգանները ջրով հագեցնելը նպաստում է մի շարք կարևորագույն հեղուկների արտազատմանը, օրինակ՝ թքարտադրությունը, որը կանխում է ատամնախոռոչների գոյացումը: Եթե Ձեր օրգանիզմ բավականաչափ ջուր է ներմուծվում, և դուք ամեն րոպե կոնֆետ չեք խոթում ձեր բերանը, ապա ձեր թքարդադրությունը բավարար կլինի ատամները պաշտպանելու համար:
5․Չափից ավելի ջուր խմելը կարող է հանգեցնել գերհագեցվածության
Օրվա ընթացքում սահմանված քանակությամբ ջուր խմելն օգտակար է, սակայն չափերն անցնելու կարիք չկա: Մտածեք այսպես․ դուք վերականգնում եք ձեր օրգանիզմի կորցրած ջրի պաշարը: Հասուն մարդու օրգանիզմն օրվա ընթացքում կորցնում է 2-3 բաժակ հեղուկ՝ շնչառության միջոցով, և ևս 1 բաժակ՝ քրտնարտադրության հետևանքով: Դրան գումարած միզարտադրությունը, ֆիզիկական վարժությունները, և ձեր օրգանիզմը կկորցնի մոտ 8 բաժակ ջուր: Գերհագեցվածությունը տեղի է ունենում, երբ խմում են ավելի շատ ջուր, քան օրգանիզմն արտազատում է: Ջրային գերհագեցվածությունից օրգանիզմում խախտվում է նատրիումի բալանսը, որը կարող է առաջացնել մարսողության խնդիրներ, ջղաձգություն և նույնիսկ կոմա: Խուճապի մատնվելու կարիք չկա: Գերհագեցածության հասնելու համար հասուն մարդուն պետք կլինի օրվա ընթացքում ընդունել մոտ 9 լիտր ջուր: Առողջություն ձեզ:
