1in.am-ը գրում է.
Կանադայի Մանիթոբա և Սասկաչևան նահանգներում սրընթաց քամով ուղեկցվող հորդառատ անձրևների պատճառով արտակարգ իրավիճակ է հայտարարվել: Այս մասին երկուշաբթի հայտնել է CTV հեռուստաալիքը:
Այս տարածքներոմ մոտ 48 ժամում մինչև 200 մմ տեղում է գրանցվել: Աղետի հետևանքով մի քանի հազար բնակելի տուն է հեղեղվել: Վատ եղանակի պատճառով երկրորդ օրն է՝ տասնյակ մայրուղիներ փակ են:
Նախօրեին էլեկտրահաղորդակցության գծերի կտրվելու պատճառով առանց էներգամատակարարման է մնացել ավելի քան 5 000 տնային տնտեսություն: Քամու արագությունը գերազանցել է 20 մ/վ-ը: Մոտ 500 ծառ և գովազդային պաստառներ են տապալվել:
«Ներկայումս անձրևը թուլացել է: Մինչև օրվա վերջ սպասում ենք մինչև 15 մմ տեղումներ, իսկ երեքշաբթի օրը անձրևների հավանականությունը գնահատվում է 60%»,- նշել են երկրի ազգային օդերևութաբանական բյուրոյի ներկայացուցիչները:
