Life.panorama.am-ը գրում է.
Սեռական կյանքում անհամատեղելիության գործոնները կարող են լինել ինչպես ֆիզիկական, այնպես էլ՝ հոգեբանական բնույթի: Եվ եթե առաջին պարագայում առաջ եկած խոչընդոտները հաղթահարելի են, ապա երկրորդի դեպքում այդ առումով ավելի շատ ջանքեր են պահանջվում: Life.panorama.am-ը թեմայի շուրջ զրուցել է սեքսապաթոլոգ Սևադա Հակոբյանի հետ:
-Սեռական անհամատեղելիության ֆիզիկական գործոններից որո՞նք է ամենատարածվածները:
-Երբ զուգընկերներից մեկը սեռական կյանքում առավել ակտիվ է, քան մյուսը, այս դեպքում առաջ է գալիս սեքսուալ պահանջմունքի անհամապատասխանություն: Ֆիզիկական գործոնով են պայմանավորված նաև սեռական գուրգուրանքների շրջանակի թույլատրելիության տարբերությունները: Երբ թույլատրելի շրջանակի վերաբերյալ զուգընկերների պատկերացումները տարբեր են լինում, նրանք սկսում են խուսափել սեռական կյանքից, ժամանակի ընթացքում սառում են միմյանց նկատմամբ:
-Իսկ երբ զուգընկերներից մեկը բարձրահասակ է, մյուսը՝ կարճահասակ, կամ՝ մեկը գեր է, մյուսը՝ նիհար, ի՞նչ խոչընդոտներ կարող են առաջ գալ:
-Այդ պարագայում տեխնիկական առումով խոչընդոտները հաղթահարելի են. խնդիրը զուտ հոգեբանական բնույթ է կրում:
-Հոգեբանական գործոնով պայմանավորված սեռական անհամատեղելիության ամենատարածված խնդիրները որո՞նք են:
-Զույգերի միջև հոգեսեռական անհամապատասխանության խնդիրները պայմանավորված են զուգընկերների հոգեկերտվածքով, աշխարհայացքով, բնավորության գծերով, որոնք անհնար են դարձնում անգամ նրանց ընդհանուր կեցությունը: Այս առումով ամենատարածված հոգեբանական խնդիրը կապված է գուրգուրանքի շրջանակին առնչվող տղամարդկանց պահանջների հետ:
Ամբողջական հոդվածը կարող եք կարդալ այստեղ