Արսեն Գրիգորյանն ընկերների հետ միասին ծննդյան օրը նշել է մենահամերգով

5  տարվա մենահամերգային դադարից հետո երգիչ Արսեն Գրիգորյանը ներկայացավ « Սիրո վերադարձ» համերգով՝  այն էլ այդ օրն իր հանդիսատեսի հետ նշելով ծննդյան օրը:

Օրվա «մեղավորը» ArmStar.am-ի հետ զրույցում ասաց հետևյալը.

«Քանի որ  2009 թվականի դեկտեմբերի մեկից մենահամերգով  չէի ներկայացել, և ծննդյանս օրն էլ մոտենում էր,  որոշեցինք ծնունդս և մենհամերգը միասին կազմակերպել: Բայց օրը երկուշաբթի է, և մարդկանց մեծ մասին հարմար օր չէ, այդ պատճառով համերգը տեղի ունեցավ մեկ օր շուտ:

Քանի որ ինձ անվանում են սիրո երգիչ և ես էլ չորս տարի անց վերադանում եմ նոր մենահամերգով, այդ պատճառով այն անվանեցինք  «Սիրո վերադարձ»:

Հատուկ այսօրվա համար իմ սիրելի հանդիսատեսին անակնկալներ եմ պատրաստել՝ նոր երգերի պրեմիերաներ, գեղեցիկ դուտներ, երգեր մեր երգիչների կատարմամբ:  Երգիչները երգելու են հենց իմ երգերը: «Սիրո վերադարձ»-ը  դարձավ կիսահեղինակային երեկո և մենահամերգ»:

Ծննդյան օրվա հետ կապված ArmՏtar.am-ին երգիչները, ինչպես իրենք են ասում, իրենց սիրելի ընկերոջը,  ցանկացան բարեմաղթանքներ հղել:

Հայկո

Շնորհավորում եմ Արսեն Գրիգորյանի ծննդյան տարեդարձը: Ցանկանում եմ, որ միշտ ոգեշնչված լինի, որ լավ-լավ երգեր գրի: Արսենը շատ տաղանդավոր է, նրան շատ եմ սիրում: Երևի թե միակ կոմպոզիտորն  է, որի երգը կատարել եմ և այսօր էլ համերգին կատարելու եմ: Համոզված, որ շատ գեղեցիկ և ուրախ համերգային երեկո է լինելու:

Ավետ Բարսեղյան

Շնորհավորում եմ իմ սիրելի ընկերոջը, իմ ստեղծագործական կյանքի ամենասիրելի կոմպոզիտորներից մեկին, եթե ոչ ամենասիրելիին: Ցանկանում եմ, որ Արսենի հոգու նեդաշնակությունը միշտ ուղեկցի նրան,  որ ներկայացնի շատ գեղեցիկ երգեր:

Այն երևույթը, որ Արսենը իրենով ներկայացնում է հայ երգարվեստում, մնայուն է և երկար տարիների կյանք ունի , ինչպես որ Արսեն Գրիգորյանը: Վստահ եմ,  որ շատ երկար տարիներ է ապրելու ուրախ, երջանիկ և իր գեղեցիկ երգերով  լի:

Շարունակությունն՝ այստեղ