Երեկ իմ կյանքի ամենահաճելի օրերից մեկն էր: Շախմատային երկու պարտիա խաղալու հնարավորություն էր ընձեռնվել աշխարհի բացարձակ չեմպիոն Մագնուս Կարլսենի և իմաստուն խաղի հայ արքա Լևոն Արոնյանի հետ: Սա անմոռանալի է...
Բայց օրվա թագնուպսակը իմ գործընկեր Տաճատ Վարդապետյանի հաղթանակն էր նորվեգացի հրաշամանուկի՝ Մագնուս Կարլսենի նկատմամբ: Իհարկե, դա պատահականություն էր, իհարկե աստղերի որոշակի դասավորություն էր և այլն... Բայց այն առաջին հերթին նախախնամության կամքն էր՝ աշխարհի բացարձակ չեմպիոնին փոխանցելու երկու ուղերձ ...
1. Հայաստանը շախմատային գերտերություն է, որտեղ աշխարհի չեմպիոնը կարող է պարտվել անգամ պարզ պատգամավորին կամ բակում շախմատ խաղացող մեր հայրենակիցներին:
2. Այն հուշում է, որ Մագնուս Կարլսենի շախմատային արքայությունը կավարտվի հենց ՄԵՐ ձեռքով: Այնպես որ, սպասում ենք ԼԵՎՈՆ ԱՐՈՆՅԱՆԻ շախմատային արքայությանը...
