Panorama.am-ը գրում է.
Փոթորիկների, ինչպես նաև աննախադեպ կարկուտների վերաբերյալ լուրերը չեն համապատասխանում իրականությանը, արտառոց եղանակային պայմաններ այս օրերին Հայաստանում չեն դիտվում: Այս մասին այսօր լրագրողների հետ հանդիպման ժամանակ ասաց ՀՀ ԱԻՆ «Հիդրոմետ» ծառայության Օդերևութաբանության կենտրոնի պետ Զարուհի Պետրոսյանը` անդրադառնալով վերջին օրերին շրջանառվող լուրերին, թե հանրապետությունում սպասվում են ուժգին փոթորիկներ և կարկուտ:
Նրա խոսքերով` կարկուտը և առատ տեղումները տարվա այս ժամանակահատվածում հատուկ երևույթներ են Հայաստանի համար:
«Մայիսի վերջին, հունիսին և հուլիսի կեսերին հատուկ է, որ Հայաստանում դիտվեն ներզանգվածային բնույթի տեղումներ, մասնավորապես, հորդառատ անձրևներ, կարկուտ, քամու ուժգնացում: Մինչդեռ որոշ հեղինակային կազմակերպություններ ավելորդ նախաձեռնություն են ցուցաբերում հայտարարություններ անել փոթորիկի, աննախադեպ կարկուտի մասին»,- նշեց նա:
Ամբողջական հոդվածը կարող եք կարդալ այստեղ
