Panorama.am-ը գրում է.
Վաշինգտոնում Թուրքիայի նորանշանակ դեսպան՝ Սերդար Քըլըչը Ամերիկայի Հրեաների կոմիտեին (AJC) մեղադրել է վիրավորելու, անարդար և իրականությունից կտրված լինելու մեջ, այն բանից հետո, երբ կոմիտեն ապրիլի 23-ին հայտարարություն էր տարածել, որով ճանաչում էր Հայոց ցեղասպանությունն ու կոչ անում Թուրքիային առերեսվել իր պատմությանը: Այս մասին տեղեկացնում է «Ասբարեզ» պարբերականը:
AJC գործադիր տնօրեն Դևիդ Հարիսին հասցեագրված նամակում վերջինս նշում է, որ Թուրքիան չափազանց հիասթափված է Հայոց ցեղասպանության վերաբերյալ հայտարարությունից և ամբողջապես մերժում է այն:
Ամերիկայի Հրեաների կոմիտեն ստեղծվել է 1906 թվականին հակասեմիթականությունից պաշտպանվելու համար և այժմ գրասենյակներ ունի Նյու Յորքում ու Վաշինգտոնում:
Թուրք դիվանագետը մեջբերում է իր նամակում Հայոց ցեղասպանությունը ժխտող հայտնի պատմաբան Բերնարդ Լյուիսին, որն իր «Դարի գրառումները. Պատմաբանի մտորումները Մերձավոր Արևելքի մասին» գրքում գրում է, թե «հայերը ապստամբություն բարձրացրեցին և հետևաբար սպանվեցին»:
Ամբողջական հոդվածը կարող եք կարդալ այստեղ
