Յուրաքանչյուր մարդ էլ յուրօրինակ է, ինչպես որ յուրաքանչյուր ձյան փաթիլը միայն իրեն հատուկ նախշերով: Չկա ինչ-որ ուղեցույց կամ էլ պլան, որին հետևելով կարող ես հետևել, որովհետև յուրաքանչյուր անհատականություն արտացոլում է այն յուրահատուկ որակը, որը անհատականությունը յուրահատուկ է դարձնում:
Ահա այն 15 ձևերը, որոնք կօգնեն քեզ յուրահատուկ լինել: Գտիր այն, ինչը քո անհատականությանը հարմար է, ու դարձիր այն մարդը, ով միշտ ցանկացել ես լինել:
1 Վախերիդ դեմ դուրս արի
Հրաշալի մարդն ապրում է քո մեջ: Դեմ-հանդիման դուրս արի վախերիդ ու թույլ տուր, որ այդ հրաշալի մարդուն աշխարհը տեսնի: Վախերը կործանում են կրեատիվությունը: Դրանք մեզ պահում են հարմարավետության մեր սահմանում: Եթե ուզում ես քո լավագույն տեսակը լինել, դու պետք է ազատվես վախերից, հատկապես նրանցից, որ քեզ հետ են պահում կյանքդ լիարժեք ապրելուց:
2 Արա այն, ինչ սիրում ես
Հրաշալի մարդիկ անում են այն, ինչ սիրում են: Նրանք թույլ չեն տալիս, որ աշխարհը թելադրի նրանց, թե ինչպես ապրել: Նրանք իրենք են իրենց ձեռքն առնում սեփական կյանքի սանձը, և ոչ թե այն հանձնում մեկ ուրիշին կամ էլ ինչ-որ հանգամանքների: Արա այն, ինչ սիրում ես, ու ավելի երջանիկ, առողջ ու հրաշալի կլինես:
3 Համառ ու ինքնավստահ եղիր
Ռիսկերի դիմիր: Երբ դուրս ես գալիս հարմարավետության քո սահմաններից, իսկապես ընդլայնում ես կյանքդ ու քո ազդեցությունը սեփական կյանքում:
4 Լսիր
Հաճախ հրաշալի ու հետաքրքիր լինելու լավագույն տարբերակը սկզբում լսելն է: Եթե դու նախ լսես, կհասկանաս, թե ինչով են հետաքրքրում մարդիկ, ում հետ զրուցում ես:
5 Բացահայտիր քեզ
Լեզու սովորիր: Ինչ-որ մեկին ամբողջությամբ սիրիր: Կիսվիր քո պատմությունով: Հաճախիր քեզ հետաքրքրող ինչ-որ խմբակի, դասերի: Փորձիր քեզ բացահայտել տարբեր ոլորտներում: Դու արագ կբացահայտես, որ շատ ավելի մեծ հետաքրքրությունների շրջանակ ունես, քան պատկերացնում էիր: Եվ յուրաքանչյուր նոր հնարավորության ժամանակ դու նոր մարդկանց կարիք կունենաս, ովքեր կօգնեն քեզ ձևավորել ու ձուլել քո լավագույն «եսը»:
6 Լուծիր մեծ կամ փոքր խնդիրներ
Մտածիր այնպիսի խնդիրների լուծման մասին, որոնք շատ մարդկանց են վերաբերում: Դա լինի կամավոր աշխատանք անտունների ապաստարանում կամ առաքելական ճանապարհորդություն ուրիշ երկիր կամ էլ ինչ-որ սարք պատրաստելը, որն ինչ-որ բան ավելի կհեշտացնի. օգտագործիր քո կարողությունները խնդիրները լուծելու համար: Հրաշալի մարդիկ օգնում են մյուսներին:
7 Կիսվիր քո պատմություններով
Քո փորձառությունները յուրահատուկ են: Պատմիր մյուսներին քո մասին: Դու կարող ես քո մասին շատ ավելին բացահայտել, քան կարծում ես: Փորձով փոխանակվելով ու կապվելով անցյալի հետ՝ դու կարող ես առաջ շարժվել ապագայում: Պատմիր լավ կամ վատ պատմություններ ու մի վախեցիր խոցելի լինել, և դու ավելի հարմարավետ կզգաս քո մաշկի մեջ:
8 Կրեատիվ եղիր
Գտիր քո ձայնը: Ունեցիր քո ասելիքը: Կրեատիվ ճանապարհ գտիր քո անհատականությունը կառուցելու համար: Սիրո՞ւմ ես գրել. բլոգ բացիր: Սիրո՞ւմ ես կարդալ. միացիր ընթերցանության խմբակի:
9 Ամեն օր մի նոր բան սովորիր
Երբ ամեն օր նոր բան ես սովորում, մեծանում են հեռանկարները: Այն, թե սովորական փողկապ կապել ես սովորում, օտար լեզվով նոր բառ, թե շպարվելու նոր ձևեր, չափազանց կարևոր է: Այսպես դու կմեծացնես քո աշխարհայացքն ու շատ ավելի շատ բան կունենաս ասելու:
10 Ուրախ, զվարճալի, սրամիտ կամ խելացի եղիր
Ավելի հեշտ է ասելը, քան անելը, բոլորս էլ գիտենք, սակայն բոլորս էլ մեզ հատուկ որակ ունենք: Մյուսներին ցույց տուր հումորի քո զգացումը, դու կզգաս, որ մարդկանց հետ ավելի մոտ մակարդակով կսկսես շփվել:
11 Բաց եղիր
Ընկերոջդ/ընկերուհուդ ծանոթացրու ընկերներիդ, ընտանիքիդ հետ, ցույց տուր նրան աշխարհին: Անձնական պահիր այն, ինչ անհրաժեշտ է անձնական պահել, սակայն մի թաքցրու անհատականությունդ:
12 Օտարների հետ մի խոսիր
Հաճախ մենք մեր ընկերներին տարօրինակ ձևով ենք ընտրում: Մենք ապրում ենք նրանց կողքին, կամ նրանց հետ դպրոց գնում, հանդիպում կամ ճանաչում ենք մեր երեխաների միջոցով: Երբ դրսում ես ու քո սովորական կյանքով ես զբաղվում, խոսիր այն մարդկանց հետ, ում հետ նույն վայրում ես ու նույն ժամանակահատվածում: Դու կհասկանաս, որ հարևանների շփումը ավելի մակերեսային է, քան երկու անծանոթ մարդկանց շփումը, ովքեր խենթանալու աստիճանի ոգևորված են տեղացի արվեստագետների արվեստով:
13 Օգնիր մյուսներին
Փորձիր ինչ-որ ճանապարհներ գտնել մյուսների կյանքն ավելի լավը դարձնելու համար, այնպիսի փոքրիկ բաներով ինչպես, օրինակ, հարևանի բակը մաքրելն է կամ կարիքների մեջ գտնվող երեխայի օգնելը: Պարտադիր չէ, որ աշխարհը փոխես, պարզապես փորձիր մեկ մարդու կյանքը փոխել:
14 Ազնիվ եղիր
Ամուր կանգնիր ոտքերիդ վրա, հասկացիր ու ճանաչիր արժեքներդ ու մի անցիր քո սահմանները: Քեզ հետ կարող են չհամաձայնել, սակայն շատերը կհարգեն քո տեսակետը: Իսկ նրանք, ովքեր չեն հարգի, համեստություն կսովորես նրանց նեղմտությունից:
15 Եղիր նա, ով կաս
Դու արդեն իսկ հրաշալի մարդ ես: Դու արդեն իսկ ունես բոլոր անհրաժեշտ որակները: Դու ստիպված չես փոխվելու: Սակայն մի մնա նույնը` կատարելագործվիր:
