Lurer.com-ը գրում է.
Ռուսաստանի արտաքին գործերի նախարար Սերգեյ Լավրովը կոչ է արել ԵԱՀԿ խմբին ձեռնարկել բոլոր անհրաժեշտ միջոցները ռուս լրագրողներին ազատ արձակելու հարցով, ովքեր ձերբակալվել են ուկրաինացի իրավապահների կողմից: Այս մասին հայտնում է ria.ru-ն:
Ավելի վաղ հաղորդվել էր, որ Կրամատորսկում LifeNews-ի լրագրողներ Օլեգ Սիդյակինը և Մարատ Սայչենկոն ուկրաինացի իրավապահների կողմից ձերբակալվել են: News Media-ի անձնակազմը դիմել է Ռուսաստանի արտաքին գործերի նախարար Սերգեյ Լավրովին՝ խնդրելով աջակցել իրենց լրագրողներին ազատ արձակելու հարցում:
«Լրագրողներին ազատ արձակելու հարցով Ռուսաստանի արտաքին գործերի նախարար Սերգեյ Լավրովը կապ է հաստատել ԵԱՀԿ գործող նախագահ, Շվեյցարիայի ԱԳՆ ղեկավար Դիդյե Բուրքհալտերի հետ՝ կոչ անելով նրան շտապ գործի դնել բոլոր անհրաժեշտ միջոցները ռուս լրագրողներին ազատ արձակելու համար»,- ասվում է հաղորդագրության մեջ:Վերջինս, ըստ աղբյուրի, խոստացել է անհապաղ զբաղվել լրագրողների ազատ արձակման հարցով:
