Գագիկ Ծառուկյանը հայտարարում է, որ գալիք ընտրություններում հաջողությունը շրջանցելու է Մելիք-Ադամյան փողոցը` բոլորին հասկացնելով, որ ինքը լրջորեն է պատրաստվում գալիք ընտրություննների և մտադրություն ունի հաղթելու:
Բնական է, երբ ԲՀԿ-ի առաջնորդն իր կուսակցությանը հաղթանակ է ցանկանում, բայց անբնական է, երբ նրա այս հայտարարությունը անպատասխան է մնում Հանրապետական կուսակցության փոխնախագահ, վարչապետ, Գագիկ Ծառուկյանի խնամի Հովիկ Աբրահամյանի կողմից, ով վայրկյանների ընթացքում պատասխանեց Ռոբերտ Քոչարյանին, բայց Գագիկ Ծառուկյանին չի պատասխանում: 
Ա. Կամ Հովիկ Աբրահամյանը լուրջ չի վերաբերում Գագիկ Ծառուկյանի այս հայտարարությանը.
Բ. Հովիկ Աբրահամյանի սրտով էլ է, որ հաղթանակը շրջանցի Մելիք-Ադամյան փողոցը. 

Գ. Հովիկ Աբրահամյանի համար միևնույնն է` որ փողոցով կանցնի հաղթանակը, քանզի Մելիք-Ադամյանի հաջողության դեպքում ինքն է դառնում վարչապետ, իսկ անհաջողության դեպքում` իշխանությունը կանցնի իր խնամուն: 
Հայաստանում ձևավորվել է քաղաքական հետաքրքիր մի իրավիճակ, երբ իշխանության մի մեծ հատվածը և փաստացի ընդդիմադիր հարթակի մի մեծ հատվածը գտնվում է մեկ` Հովիկ Աբրահամյան-Գագիկ Ծառուկյան խնամիական ընտանիքի ձեռքում: 
Ճիշտ է, քաղաքականությունը ընտանեկան կապեր չի ճանաչում, բայց այս ընտանիքը մի բան պետք է հստակ հասկանա. այս ամենը գիտի անգամ հասարակ քաղաքացին, ով այսօր լավ չի ապրում և սպասում է բարեփոխումների, իսկ եթե այդ բարեփոխումները չլինեն և ժողովրդի վիճակը չբարելավի, գոնե այս պահին Հովիկ Աբրահամյանը ստիպված է լինելու պատասխան տալ, իսկ դա նշանակում է, որ Գագիկ Ծառուկյանը ստիպված է լինելու քննադատել Հովիկ Աբրահամյանին, քանզի Տիգրան Սարգսյանն այլևս չկա և սեփական մեղքը այլոց վրա բարդելու մոտիվը վերանում է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել