Թմրադիլերների հանցախումբը ձերբակալվել է այն բանից հետո, երբ նրանցից երկուսը լուսանկարվել են կանեփի ու փողի իրենց պարկերի հետ:
Բրմինգհեմից Յուջին Մեյ-Դայերը, Յան Քանինհեմը և Գրանտ Բարնհարսթը ձերբակալվել են քաղաքի Քինգս Նորթոն շրջանում:
Ոստիկանները բռնագրավել են գրեթե 1690 դոլար արժողությամբ կանեփ, թվային կշեռք, բջջային հեռախոսներ, որոնցում հայտնաբերվել է թմրամիջոցների վերաբերյալ հանցավոր խմբի անդամների միջև տեքստային հաղորդագրությունները:
Հեռախոսների պարունակության ուսումնասիրության արդյունքում հայտնաբերվել է նաև Գրին Աքրեսից 18-ամյա Թյորների լուսանկարը` ձեռքին ու տաբատի գոտու մասում մեծ քանակությամբ փողով:
Հայտնաբերված մեկ այլ լուսանկարում Թյորները լուսանկարվել է 24-ամյա Մեյ-Դայերի հետ գետնին թափված կանեփի տերևները զննելիս:
Ոստիկանները, թմրադեղերը հայտնաբերելով մեքենայում, այնուհետև խուզարկել են Թյորների այգու ցախատունը, որը հեռուստացույցով «ամառային տան» էր վերածվել, և այնտեղ 1,3կգ կանեփ են հայտնաբերել:
Թմրամիջոցների պարկերի վրա հայտնաբերված մատնահետքերը պատկանել են Մեյ-Դայերին և Քաննինգհեմին, իսկ հայտնաբերված BlackBerry հեռախոսի մեջ 60.000 հաղորդագրությունները բացահայտել են հանցավոր խմբին չորս տղամարդկանց կապը:
Թյորները ազատազրկվել է 13 ամսով (ներառյալ մեկ ամիս ավելի վաղ հետաձգված դատավճռից խուսափելու համար), Մեյ-Դայերը՝ 12 ամսով:
Նրանց հանցակիցներ 24-ամյա Քաննինգհեմը և 21-ամյա Բարնհաստը ազատազրկվել են 9-ական ամսով:
Քլխավոր քննիչ Էնդի Բենիստերը նշել է, որ այս երիտասարդները հանցախումբ էին կազմել, որը աճում էր և հետագայում կարող էր զգալի վտանգ ներկայացնել Քինգս Նորթոնի շրջանում:
Ոստիկանապետը նշել է, որ թմրամիջոցների դեմ պայքարը առաջնային խնդիրներից մեկն է՝ ավելացնելով, որ դրա դեմ պետք է նաև կանխարգելման միջոցառումներ իրականացնել կրթության ու դիվերսիայի միջոցով՝ հատկապես այնտեղ, որտեղ ներգրավված են երիտասարդները:
