Մեքքան (արաբ. مكة, ինչպես նաև مكة المكرمة ՝ Մաքքա ալ-Մուքարրամա՝ Վեհանձն Մեքքա) գտնվում է Սաուդյան Արաբիայի արևմուտքւմ՝ Կարմիր ծովից 100 կմ հեռավորության վրա: Այն համարվում է մուսուլմանների ուխտագնացության կենտրոն, ոչ մուսուլմանների մուտքը Մեքքա արգելվում է : Այն իր նշանակությամբ համարվում է մուսուլմանների գլխավոր սուրբ քաղաքը: 570թ.-ին այստեղ է ծնվել նաև իսլամի կարևորագույն մարգարեն՝ Մուհամմադը։ 630թ. ամրապնդելով իրենց դիրքերը՝ 10 000-նոց մադինայական մուսուլմանների զորքը Մուհամմադի գլխավորությամբ մտավ Մեքքա և քաղաքը հանձնվեց առանց ճակատամարտի, իսկ բնակչությունը ընդունեց իսլամ: Սրբազան Քաաբայի (իսլամական ավանդույթի համաձայն «սև քարը» Ադամին էր իջացրել Ալլահը) հետ Մեքքան դարձավ կրոնական կենտրոն, իսկ մուսուլմանները սկսեցին աղոթքի ժամանակ դեմքով կանգնել դեպի Մեքքա (մինչ այդ կիբլա էր համարվում Երուսաղեմը)։
Մեքքայի կենտրոնում է գտնվում աշխարհում գլխավոր և խոշորագույն Ալ-Հարամ (Արգելված, Մեծ) մզկիթը իսլամի գլխավոր սրբավայր Քաաբայի հետ:
