Allsport.am-ը գրում է.
Դորտմունդի «Բորուսսիան» Գերմանիայի գավաթի խաղարկության եզրափակիչ փուլի ուղեգիր նվաճեց և տիտղոսը կվիճարկի «Բավարիա»-«Կայզերսլաութերն» զույգի հաղթողի հետ:
Գերմանիայի գավաթի խաղարկության կիսաեզրափակիչ փուլում, «Բորուսսիան» հարազատ «Սիգնալ Իդունա Պարկ» մարզադաշտում երկու անպատասխան գնդակ ուղարկեց «Վոլֆսբուրգի» դարպասը: Հանդիպման 13-րդ րոպեին Մարկո Ռոյսի փոխանցումից հետո աչքի ընկավ Հայաստանի ազգային հավաքականի կիսապաշտպան Հենրիխ Մխիթարյանը: Երկրորդ գոլը կրկին Ռոյսի փոխանցումից հետո 43-րդ րոպեին խփեց Ռոբերտ Լևանդովսկին:
Նշենք, որ Հենրիխ Մխիթարյանը հանդիպմանը մասնակցում էր մեկնարկային րոպեներից և փոխարինվեց 72-րդ րոպեին. հայ ֆուտբոլիստի փոխարեն խաղը շարունակեց Օլիվեր Կիրհը:
«Բորուսսիա»-«Վոլֆսբուրգ»` 2:0
Գոլերը` Մխիթարյան 13, Լևանդովսկի 43