Մենք ինքներս էլ երբեմն չենք նկատում, թե ինչպես են արտաքին ազդակները խանգարում աշխատանքին: Նրանք չեն թողնում կենտրոնանալ, իսկ մենք այդպես էլ չենք կարողանում ելք գտնել:
Գրանցեք գործերի ցուցակը տվյալ օրվա համար: Ոչինչ այդքան չի օգնում ուշադրությունը պահել աշխատանքի վրա, որքան դրա մասին անընդհատ հիշեցումը: Գրեք թղթի վրա և այնպիսի տեղ այն փակցրեք, որ անընդհատ աչքի առջև լինի:
Ժամ սահմանեք, թե երբ կողմնակի մարդիկ կարող են տեսնել Ձեզ: Մարդիկ կսկսեն ավելի շատ հարգել Ձեր ժամանակը:
Եթե շուտ եք հոգնում աշխատանքից, ժամաքանակը բաժանեք մի քանի մասի: Կես ժամ աշխատանքից հետո ընդմիջում արեք, այլ՝ թեթև աշխատանքով զբաղվեք: Ընդմիջումը չպետք է գերազանցի աշխատաժամը:
Ձեր էլեկտրոնային փոստարկղում ֆիլտր դրեք, որպեսզի կարողանաք ժամանակ խնայել անիմաստ նամակները կարդալու փոխարեն:
Մի սկսեք օրը փոստին եկած նամակները ստուգելով: Ավելի լավ է թողեք դա ընդմիջման հատվածում, քանի որ մեծ ջանքեր այն չի պահանջում:
Եթե չեք ուզում, որ Ձեզ շեղեն, ապա սոցիալական ցանցերում համապատասխան կարգավիճակ դրեք, որը թույլ չի տա Ձեզ անհանգստացնել նամակներով:
Լսեք ճիշտ երաժշտություն. այն օգնում է կենտրոնանալ աշխատանքի վրա և չլսել գրասենյակային աղմուկը, որը նյարդայնացնում է:
Օգտագործեք ականջակալներ: Իմաստն այն է, որ բացարձակ լռության մեջ աշխատեք:
