Գտնվե՞լ է Սուրբ Գրաալը 

Irates.am-ը գրում է
Իսպանացի պատմաբանները հաղորդել են, որ Լեոն քաղաքի բազիլիկում գտնվել է առասպելական սուրբ Գրաալը՝ գավաթը, որից Խորհրդավոր ընթրիքի ժամանակ գինի է խմել Հիսուսը և որի մեջ խաչելությունից հետո հավաքվել է նրա արյունը: Պատմաբաններ Մարգարիտա Թորեսը և Խոսե Օրտեգա Դել Պիոն պնդում են, որ մասունքի մասերը եռամյա որոնումներից հետո հայտնաբերել են հաղորդության միջնադարյան գավաթի մեջ, որ պահպանվում է Լեոնի Սուրբ Իսիդոր բազիլիկում: Թորեսը և Դել Պիոն սկզբում ուսումնասիրել են բազիլիկի մահմեդական մասունքները: The Irish Times-ը գրում է, որ որոնումների թեման փոխել են, երբ արխիվում գտել են եգիպտական մագաղաթներ, որտեղ հիշատակվում է սուրբ Գրաալը: Մագաղաթների հիման վրա պատմաբանները կարողացել են վերականգնել սուրբ Գրաալի տեղաշարժը մեր թվարկության առաջին հազարամյակում: Գավաթը երկար ժամանակ պահպանվել է Պաղեստինի քրիստոնեական համայնքներում, հետո մահմեդականները տարել են Եգիպտոս, որտեղից 1054 թ. Կահիրեի խալիֆ Ֆաթիմին գավաթը ընծայել է Իբերիական թերակղզու էմիր Դենիին, ով երաշտի ժամանակ պարենով օգնել էր Եգիպտոսին: Ռեկոնկիստայից հետո գավաթը հանգրվանել է Լեոնում, վերածվել հաղորդության գավաթի և անվանվել է Կաստիլիայի թագուհու ՈՒռակիի գավաթ, որ ապրել է XII դարում: Վերջին կես դարում գավաթը ցուցադրվել է Լեոնի թանգարանում: Թորեսն ու Դել Ռիոն ասել են, որ ածխածնային վերլուծությունը ցույց է տվել, որ գավաթը

իրականում ստեղծվել է մ.թ.ա. 200-ից մ.թ.100 թթ., նրանք ընդունում են, որ այլևս հնարավոր չէ պարզել՝ հպվել են գավաթին Հիսուսի շուրթերը, թե ոչ: 
BBC News-ը նշել է, որ վերջին ժամանակներում 200 անգամ հայտարարվել է, որ Գրաալի գավաթը գտնվել է: Իբրև սուրբ Գրաալ Վատիկանն ընդունում է Վալենսիայիի տաճարում պահվող գավաթը: Առասպելն ասում է, որ Գրաալի գավաթից ըմպողը դարերի ապաշխարանք կամ հավիտենական կյանք կստանա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել