1 Կլեոպատրան ժամանակային առումով ավելի մոտ էր ապրում Pizza Hut-ին, քան բուրգերին:
Քեոփսի մեծ բուրգը կառուցվել է Ք.ա. մոտավորապես 2560թ.-ին, այն դեպքում, երբ Կլեոպատրան ապրել է Ք.ա մոտավորապես 30թ.-ին: Pizza Hut-ը բացվել է 1958թ.-ին, որը 500 տարով ավելի մոտ է Կլեոպատրայի ապրած ժամանակաշրջանին, քան բուրգերի կառուցումը:
2 Յուրաքանչյուր երկու րոպեի ընթացքում մենք այնքան լուսանկար ենք անում, որքան ամբողջ մարդկությունը 1800-ականներին:
Ձախ մասում երբևէ արված առաջին լուսանկարն է (1826թ.): «Տեսարանը պատուհանից» լուսանկարն արվել է Le Gras տեսախցիկով՝ ֆրանսիացի գյուտարար Ջոսեֆ Նիցեֆոր Նիեպսի կողմից: Աջում կատու է, որը պատահականորեն լուսանկարել է ինքն իրեն (2013): Հաշվարկվում է, որ 2014թ.-ին մարդիկ 880 միլիարդ լուսանկար կանեն: Ընդհանուր առմամբ, երբևէ արված բոլոր լուսանկարների 10 տոկոսն արվել է վերջին 12 ամիսների ընթացքում:
3 Օքսֆորդի համալսարանն ավելի հին է, քան ացտեկները:
Օքսֆորդի համալսարանում ուսուցումը սկսվել է 1096թ.-ից, իսկ 1249թ.-ին տեղի ունեցավ համալսարանի պաշտոնական բացումը: Ացտեկների քաղաքակրթությունը, ինչպես մենք գիտենք, սկսվել է 1325թ.-ին՝ Տենոչտիտլանի հիմնադրումից:
4 Ուիլ Սմիթն այսօր ավելի մեծ է, քան քեռի Ֆիլը՝ «The Fresh Prince» հեռուստաֆիլմաշարի սկզբում:
Երբ Ջեյս Էյվերին (քեռի Ֆիլ) սկսեց նկարահանվել «The Fresh Prince»-ում, նա 45 տարեկան էր: Այսօր Ուիլ Սմիթը նույնպես 45 տարեկան է:
5 Մարդու՝ առաջին անգամ թռչելուց ընդամենը 66 տարի անց մենք վայրէջք ենք կատարել լուսնի վրա:
1903թ.-ին Ռայթ եղբայրները իրենց նախագծած ինքնաթիռով 59 վայրկյանում հաջողությամբ անցան 279 մետր տարածություն: 38 տարի անց` 1941թ.-ին, ճապոնացիներն օգտագործեցին թռչելու հնարավորությունը՝ Փըրլ Հարբորը գնդակոծելու համար: Դրանից 28 տարի անց` 1969թ.-ին, Ապոլլո 11 տիեզերանավը վայրէջք կատարեց լուսնի վրա:
6 TI-83 հաշվիչի մեջ ավելի շատ հզորություն կա, քան լուսնի վրա վայրէջք կատարած Ապոլլո-յի համակարգչի:
«Ապոլլո 11» առաքելության համակարգիչը ընդամենը 1.024 մեգահերց հզորություն ուներ, որը TI-83 հաշվիչի հզորության 1/6-րդն է կազմում: Մեկն աշակերտների կողմից օգտագործվում է Tetris խաղալու համար, մյուսը մարդկանց լուսին հասցրեց:
7 Առաջին բուրգերը կառուցվել են, երբ բրդոտ մամոնտները դեռ կենդանի էին:
Չնայած մամոնտներից շատերը ոչնչացան մարդկության քաղաքակրթության ի հայտ գալուց շատ տարիներ առաջ, այնուամենայնիվ, փոքր քանակով դրանց մի մասը գոյատևել է մինչև Ք.ա. 1650թ.: Այդ ընթացքում Եգիպտոսը կայսրության ձևավորման ընթացքում էր ու Գիզայի բուրգերն արդեն 1000 տարեկան էին:
8 Ֆաքսի մեքենան հայտնագործվել է այն ժամանակ, երբ մարդիկ դեռ սայլակներով էին ճանապարհորդում:
Առաջին ֆաքսի մեքենան նախագծվել է Ալեքսանդր Բեյնի կողմից՝ 1843թ.-ին, այն ժամանակ, երբ Ամերիկայում սկսվեց Մեծ միգրացիան:
9 Ֆրանսիայում մարդկանց մահապատժի ենթարկելու համար դեռևս գիլյոտին էին օգտագործում, երբ լույս տեսավ «Աստղային պատերազմները» ֆիլմը:
«Աստղային պատերազմները» էկրան բարձրացավ 1977թ.-ին: Գիլյոտինով վերջին մահապատիժը տեղի ունեցավ նույն տարվա սեպտեմբերի 10-ին:
10 Ահա, թե ինչպիսին է օլիմպիական ոսկին հաղթելու տարբերությունը՝ 56 տարվա կտրվածքով:
Ձախում Լարիսա Լատինյան է՝ 1956թ.-ի ոսկե մեդալակիր: Աջում ՄկՔայլա Մարոնին՝ 2012թ.-ի ոսկե մեդալակիր:
11 Այն ամենը, ինչ գովազդվում էր 1991թ.-ի «RadioShack» ամսագրի այս էջին, այսօր գոյություն ունի մեկ սմարթֆոնի մեջ:
Intel-ի համահիմնադիր Գորդոն Մուրը պնդում էր, որ համակարգչային տեխնոլոգիաների զարգացման պատմության մեջ տրանզիստորների սխեմաները կրկնապատկվում են ամեն երկու տարին մեկ: 40 տարիների ընթացքում Մուրի հաշվարկները ճիշտ են եղել ու հաջողությամբ իրենց արդյունքը տվել բջջային տեխնոլոգիաներում:
12 Երբ «Warner Brothers»-ը հիմնադրվեց, Օսմանյան կայսրությունը դեռ գոյություն ուներ:
Հարրի, Ալբերտ, Սեմ և Ջեք Ուորներները իրեն առաջին թատրոնը` «Կասկադը», բացեցին Փենսիլվանիայի Նյու Քասլ բնակավայրում՝ 1903թ.: Օսմանյան կայսրությունը գոյություն է ունեցել 1299թ.-ից մինչև 1923թ.-ը, երբ Թուրքիան անկախ պետություն դարձավ:
13 Հարվարդի համալսարանը հիմնադրվել է ավելի վաղ, քան հայտնագործվել են դիֆերենցիալ հավասարումները
Հարվարդը ԱՄՆ-ում ամենահին բարձրագույն ուսումնական հաստատությունն է, որը հիմնադրվել է 1636թ.-ին: Դիֆերենցիալ հաշիվը սկսվել է օգտագործվել միայն 17-րդ դարում՝ Իսահակ Նյուտոնի ու Գոթֆրիդ Լայբնիցի աշխատանքներում:
14 Երբ Chicago Cubs թիմը հաղթեց աշխարհի առաջնությունում, կանայք դեռ չունեին ընտրելու իրավունք:
Բեյսբոլի Chicago Cubs հանրահայտ թիմը, որը հիմնադրվել է 1870թ.-ին, աշխարհի առաջնության չեմպիոն է դարձել 1908թ.-ին, իսկ ԱՄՆ-ում կանայք ընտրելու իրավունք են ստացել միայն 1920թ.-ին:
15 Մարդիկ երբեք ամբողջությամբ չեն ապրում «ներկան»: Մենք միշտ անցյալում ենք:
Յուրաքանչյուր մարդ առնվազն 80 միլիվայրկյան անցյալում է ապրում: Դեյվիդ Իգլմենը պնդում է, որ մեր գիտակցությունը իրականում հետ է տեղի ունեցող իրադարձություններից, ու երբ մենք մտածում ենք, որ ինչ-որ բան է պատահել, դա արդեն տեղի է ունեցել, մինչև մեր ուղեղը հնարավորություն է ունենում ընկալել աշխարհի պատկերը:
16 Ավելի շատ ժամանակ է անցել ստեգոզավրերի ու տիրանոզավրերի ապրելու ժամանակահատվածի միջև, քան քո ու տիրանոզավրերի:
Ստեգոզավրներն ապրել են 150 միլիոն տարի առաջ, իսկ տիրանոզավրերըը 65 միլիոն տարի առաջ:
17 Եթե դու 45 տարեկանից բարձր ես, ապա քո ապրած ժամանակահատվածում աշխարհի բնակչության թիվը կրկնապատկվել է:
1968թ.-ին աշխարհի բնակչությունը 3.557.000.000 էր, այսօր այդ թիվը կազմում է 7.217.000.000, ու օրեկան այս թիվն աճում է 200.000-ով:
18 Կան կետեր, որոնք ավելի վաղ են ծնվել, քան գրվել է Մոբի Դիքը:
Ալյասկայի ափամերձ շրջաններում ապրող աղեղնաձև գլխով որոշ կետերի տարիքը 200-ից ավելի է: Նրանք ծնվել են ավելի վաղ, քան 1851թ.-ին գրվեց Մոբի Դիքը:
19 ԱՄՆ 10-րդ նախագահ Ջոն Թայլերը երկու թոռ ունի, ովքեր դեռ կենդանի են:
Ջոն Թայլերը որպես նախագահ է ծառայել 1841-1845թթ.` Աբրահամ Լինքոլնից ուղիղ 20 տարի առաջ: Նա որդի է ունեցել 63 տարեկանում: Իսկ նրա որդին` Լայոնը, երկու որդի ունեցել համապատասխանաբար 71 և 75 տարեկանում: Նրանք երկուսն էլ դեռևս կենդանի են:
20 Եթե Երկրի պատմությունը սեղմվեր մեկ տարվա մեջ՝ ժամանակակից մարդը կհայտնվեր դեկտեմբերի 31-ին՝ ժամը մոտավորապես 11:58-ին:
Մարդկությունը Երկիր մոլորակի պատմության ընդամենը 0,004% ժամանակահատվածն է ապրել:
