1in.am-ը գրում է.

ԱՄՆ նախագահ Բարաք Օբաման Չինաստանի առաջնորդ Սի Ցզինպինին վստահեցրել է, որ ամերիկյան իշխանությունները չեն զբաղվում արդյունաբերական լրտեսմամբ: Այս մասին փոխանցում է Reuters գործակալությունը:

Սի Ցզինպինն Օբամայի հետ հանդիպել է Հաագայում անցկացվող միջուկային անվտանգության հարցերով գագաթնաժողովի շրջանակում: Ցզինպինը բարձրացրել է ամերիկյան հատուկ ծառայությունների կողմից չինական ընկերությունների անօրինական գաղտնալսման հարցը, ինչի մասին ավելի վաղ հայտնել էին ԶԼՄ-ները:

Ավելի վաղ Պետդեպի ներկայացուցիչ Մարի Հարֆը հայտարարել էր, որ ամերիկյան իշխանությունները չեն զբաղվում գաղտնի տեղեկությունների հավաքմամբ՝ ամերիկյան ընկերություններին տնտեսական առավելությամբ ապահովելու համար:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել