1in.am-ը գրում է.
Ձուկ օգտագործող մարդկանց մեծ մասը դեն է նետում ձկան գլուխը՝ նախընտրելով միայն առանց փշերի փափուկ միսը: Դեն նետված ձկան մնացորդները օգտագործվում են որպես կենդանիների կեր, պարարտանյութեր կամ ուղղակի աղբն են նետվում:
ՄԱԿ-ի պարենամթերքի և գյուղատնտեսության կազմակերպությունը վերջերս հայտարարել է, որ այդ մնացորդները չպետք է հենց այնպես դեն նետել: Դրանք շատ սննդարար են, պարունակում են մեծ քանակությամբ վիտամին А, օմեգա-3 ճարպաթթուներ, երկաթ, ցինկ և կալցիում: Սննդի մեջ դրանք օգտագործելով՝ մարդիկ կարող են օգուտ տալ շրջակա միջավայրին՝ վերամշակման ընթացքում թափոնների կրճատման հաշվին:
Սննդային, էկոլոգիական և տնտեսական առումներով անհրաժեշտ է օգտագործել ձկան բոլոր մասերը՝ կարծում են ՄԱԿ-ի ներկայացուցիչները: Բացառություն են կազմում միայն որոշ ձկներ, որոնք կարող են մեծ քանակությամբ սնդիկ և այլ թունավոր նյութեր պարունակել՝ գրում է kedem.ru-ն: