1in.am-ը գրում է.

Մարդու իրավունքներին առնչվող իրավիճակի վերահսկման ՄԱԿ-ի առաքելությունը ծրագրում է ներկայացուցչություն բացել Ղրիմում: Այս մասին հայտնում է ITAR-TASS-ը՝ հղում անելով համաշխարհային կազմակերպությանը:

«Մարդու իրավունքների հարցերով գլխավոր քարտուղարի օգնական Իվան Շիմոնովիչը գտնվում է Ղրիմում, որտեղ զբաղվում է մոնիտորինգային առաքելության տեղական ներկայացուցչության բացման նախապատրաստությամբ»,- ասել է ՄԱԿ-ի գլխավոր քարտուղարի պաշտոնական ներկայացուցչի տեղակալ Ֆարհան Հաքը:

Նրա խոսքով՝ մարտի 21-ին Շիմոնովիչը հանդիպումներ է ունեցել տեղի իշխանությունների ներկայացուցիչների հետ, այդ թվում՝ վարչապետ Սերգեյ Ակսյոնովի և Պետխորհրդի խոսնակ Վլադիմիր Կոնստանտինովի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել