Lragir.am-ը գրում է.

Ճապոնիայի ԱԳ նախարար Ֆումիո Կիսիդան ափսոսանք է հայտնել Ղրիմի անկախությունը ճանաչելու Ռուսաստանի որոշման վերաբերյալ և այդ կապակցությամբ որոշել է պատժամիջոցներ կիրառել Ռուսաստանի նկատմամբ, տեղեկացնում է ԻՏԱՌ-ՏԱՍՍ-ը:

Պատժամիջոցները ներառում են վիզային ռեժիմի մեղմացման բանակցությունների դադարեցում և մի շարք պայմանագրերի վերաբերյալ բանակցությունների սառեցում:

«Ճապոնիան վճռական պնդում է, որ Ռուսաստանը հետևի միջազգային իրավունքին, հարգի Ուկրաինայի միասնությունը, ինքնիշխանությունը և տարածքային ամբողջականությունը, հետ կանչի Ղրիմի անկախության ճանաչումը և չմիացնի այն իրեն»,- նշված է հայտարարությունում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել