Life.panorama.am-ը գրում է.
Դերասան Դավիթ Սեխպեյանը, ով վերջին շրջանում կնոջ հետ բնակություն է հաստատել Լոս Անջելեսում, այնտեղ էլ շարունակում է մասնագիտական բուռն աշխատանքներ տանել և դեռ հասցնում է դրան զուգահեռ զբաղվել երաժշտությամբ: Life.panorama.am-ը զրուցել է դերասանի հետ և պարզել՝ հարմարվել է արդյոք նա ամերիկյան կյանքին, տեղի հանդիսատեսին, ինչով է այժմ զբաղված և արդյոք պատրաստվում է մնալ ԱՄՆ-ում:
-Լաս Վեգասի և Լոս Անջելեսի բեմերում խաղացել եք «Ամեն ինչ վաճառվում է»
ներկայացման մեջ: Սա առաջին դեպքն է, որ այնտեղ հայկական թատերախումբ է
հանդես գալիս. ինչպե՞ս դիմավորեց ձեզ տեղի հայ համայնքը, ձեզ ճանաչեցի՞ն:
-Վեգասում առաջին անգամն էր, որ խաղում էինք կոնկրետ այնտեղ ապրող հայերի համար՝ հենց Վեգասի թատրոններից մեկում, և ևս երեք ներկայացում ունեցանք Լոս Անջելեսում: Դե հայերը միշտ էլ ջերմ են ընդունում, հայերի ջիգյարը ոչ մի ազգ չունի (ծիծաղում է):
-ԱՄն-ում աշխատելու և ձեր ոլորտում քայլեր անելու ճանապարհին ի՞նչ խոչընդոտներիեք բախվել:
-Ամեն բան էլ երբ զրոյից ես սկսում, միշտ դժվար է: Այնուամենայնիվ, ամեն ինչ հրաշալի է՝ անկախ դժվարություններից: Կյանքի նոր էջը միշտ էլ հետաքրքիր է, և հետո՝ կինս կողքիս է, ուրեմն ամեն ինչ հրաշալի է:
-Այդտեղի հանդիսատեսից գո՞հ եք:
-Այստեղ հիմնական գործող հայկական թատրոն չկա. դա է շատ վատ, բայց փոխարենը կա հրաշալի հանդիսատես: Երբ վերջինս բեմից ստանում է դրական լիցքեր, միշտ էլ շատ շնորհակալ է լինում: Ես էլ շնորհակալ եմ մեր հայ հանդիսատեսին:
-Նշել եք, որ ԱՄՆ մեկնել եք նաև ձեր կարիերայում առաջ քայլ անելու համար. հիմա ո՞ր
փուլում եք, ու՞ր եք հասել և ինչի՞ եք ձգտում:
-Ձգտում եմ ու դեռ կձգտեմ: Ամեն ինչ հրաշալի է, իհարկե, կան բաներ, որ օտար են ինձ, բայց ես երբեք դեմ չեմ կյանքից նոր բաներ սովորել, ուղղակի կարոտն է խեղդում մի տեսակ:
Ամբողջական հոդվածը կարող եք կարդալ այստեղ