Անդրեն նորություն ունի իր երկրպագուների և հայ հանդիսատեսի համար: Մարտի 12- ին նրա վեցերորդ՝ «Իմ հոգի», ձայնասկավառակի շնորհանդեսն էր: Երգիչը շատ հուզված էր, անգամ նշեց, որ իրեն թվում էր, թե մինչ շնորհանդեսը չի հասնի, հուզմունքը մեծ էր հատկապես վերջին երեք ժամերին: Անդրեն այնքան էր հուզված, որ երգելու ընթացքում մոռացավ անգամ երգի բառերը:
Տասը երգ մեկ ձայնասկավառակում, որից հինգը՝ ուրախ, իսկ մյուսները, ինչպես Անդրեն է ասում՝ անդրեական (լիրիկական) են: Բոլոր երգերի հեղինակը Սուրեն Կնյազյանն է, ում հետ երգիչը համագործակցում է 2003 թվականից:
Ոչ միայն շնորհանդես, այլ նաև համերգ, հանդիպում երկրպագուների, լրատվամիջոցների հետ, որի ժամանակ երգիչը հասցրեց և՛լուսանկարվել նրանց հետ, և՛ երգել իր ընկերների հետ: Չէր մոռանում նաև համբերետար ստորագրել երկրպագուների բոլոր ձայնասկավառակները:
ArmՏtar.am-ը կներկայացնի միջոցառման լուսանկարները, Անդրեի հետ հարցազրույցը, Էմմի կարծիքը Անդրեի երգարվեստի և իր սիրելի երգի մասին:
Ի՞նչ է Ձեզ համար ձայանսկավառակ թողարկելը՝ պարզապես աշխատանք, թե՞ ինքնաարտահայտման միջոց:
Ես երգիչ եմ, և դա, բնական է, որ պարտադիր է: Ես երգում եմ և ինքնաարտահայտվում արդեն 18 տարի: Ես դեռ շատ երկար երգելու ու ստեղծագործելու եմ և միշտ լինելու եմ այն հետաքրքիր կերպարը, որը կարծում եմ, մնաց մինչ այսօր և շատ-շատ կոմերցիոն բաների հետևից չգնաց:
Ինչու՞ ընտրեցիք «Իմ հոգի» երգը որպես ձայանսկավառկի անվանում- գլխավոր երգ:
Երգի մեջ կլսեք շունչ, հոգու շունչ , որն իմ իրական շունչն է, որը ձայնակցություն է, իսկ «Սրտի առաջին խոսքը» երգի մեջ էլ մենք ձայնագրել ենք իմ սիրտի ձայնը: Իմ երգերում իմ օրգաններն են երգում ( ծիծաղում է):
Ինչո՞վ կառանձնացնեք «Իմ հոգի» ձայնասկավառակը մնացած հինգ ալբոմներից:
Այս ձայնասկավառկը տարբերովում է նրանով, որ իր մեջ մի հեղինակի երգեր են: Հաջորդ ձայանսկավառակը լինելու է «Սարի աղջիկ », որում միայն ժողովրդական երգեր են լինելու:
Բացի այս ձայնասկավառակից, էլ ի՞նչ անակնկալներ են սպասվում Ձեր հանդիսատեսին:
Շուտով էլի կլինեն հանդիպումներ երկրպագուների հետ: Ունենք նախագծեր, բայց դեռ «X factor» և «Պրեմիերա» հեռուստածրագրերով եմ զբաղված: Աշխատում եմ այժմ այդ մեծ նախագծերի վրա, որոնք, իրոք, ժամանակ են խլում:
Շարունակությունը` այստեղ