Իր մասնագիտական կյանքի մեծ մասը Վանեսա Մունյոզը այլ աշխատանքով է զբաղվել, սակայն մի քանի տարի առաջ նա սկսեց լրջորեն զբաղվել լուսանկարչությամբ: Այդ ժամանակ նրան ի վերջո հաջողվեց համատեղել մասնագիտությունն ու տարերքը: Վանեսայի կարծիքով լավ լուսանկար ստանալու համար պարտադիր չեն մասնագիտական խորը գիտելիքները կամ նորագույն սարքավորումներ ունենալը: Լավ լուսանկարում պարզապես պետք է արտացոլված լինի միտք, զգացմունք, ժամանակի որոշակի դրվագ: Վանեսան նշում է, որ իր լուսանկարներում արտացոլված է իր ուրույն աշխարհը: Նա լուսանկարում է որոշակի հոգեվիճակ արտահայտելու համար: Նա ասում է. «Ես հաջողակ մարդ եմ համարում ինձ, քանի որ ինձ բախտ է վիճակվել հանդիպել բազմաթիվ բարեսիրտ մարդկանց, ովքեր ինձ օգնության ձեռք են մեկնել և նպաստել, որպեսզի իրագործեմ մտահղացումներս: Եթե տարիներ անց իմ նկարած լուսանկարը մնա ինչ-որ մեկի տանը և նախկինի պես խոսուն լինի նրա համար, ես կհամարեմ, որ ինձ հաջողվել է լավագույնս կատարել իմ մասնագիտական պարտականությունը»:
