Չինացիները ցանկանում են բնակչության մեջ սեր առաջացնել ընթերցանության նկատմամբ

1in.am-ը գրում է.

Չինաստանի խորհրդարանի ներկայիս նիստին Պետխորհրդի վարչապետ Լի Կեցյանը զարմացրել է հասարակությանը հայտարարությամբ, որ իշխանությունները մտադիր են «խրախուսել բնակչությանը ընթերցանության»: 

Ակնհայտ է, որ դա իշխանությունների ռեակցիան է ԶԼՄ-ների այն նյութերին, որոնք վկայում էին չինացիների շրջանում գեղարվեստական գրականության նկատմամբ հետաքրքրության նվազման մասին, հայտնում է «Գոլոս Ռոսիին»: 

ՅՈՒՆԵՍԿՕ-ի տվյալներով՝ 1 տարում միջինվիճակագրական չինացին կարդում է մոտ 4 գիրք՝ այն դեպքում, երբ Կորեայում այդ ցուցանիշը հասնում է 11-ի, իսկ Ճապոնիայում՝ 8-ի: 

Ըստ «Սինհուա» գործակալության՝ Չինաստանում տպագրված բոլոր գրքերի 80%-ը ուսումնական գրքերի տարատեսակներ են: