Lurer.com-ը գրում է.
Ինչպես գրում է Independent-ը, Ղրիմի անդամակցությունը Ռուսաստանին, սպառնում է պարտիզանական պատերազմով, իսկ ուկրաինացիները չեն հանդուրժի Ղրիմի կորուստը: Այս մասին հայտարարել է Ուկրաինայի նախկին վարչապետ Յուլյա Տիմոշենկոն` Գերմանիայի կանցլեր Անգելա Մերկելի հետ բանակցություններից հետո:
«Ուկրաինացիները չեն հանդուրժի Ղրիմի կորուստը և ամեն գնով կպայքարեն իրենց ազատ և արդար իրավունքների համար»,-ասել է Տիմոշենկոն:
Բանակցությունների ընթացքում Տիմոշենկոն Մերկելին կոչ է արել ուժեղացնել ճնշումը Ռուսաստանի վրա:
«Ռուսաստանի նկատմամբ կիրառվող միջազգային միջոցները չեն տվել ցանկալի և նկատելի արդյունք, ինչը սպառնում է Ղրիմը վերածել թեժ գծի: Ես ներկայացրել է Ռուսաստանի դեմ տնտեսական պատժամիջոցների իմ նախագիծը՝ կոչ անելով Արևմուտքին թույլ չտալ անցկացնել Ղրիմն Ուկրաինայից տարանջատելու հարցով հանրաքվեն»,-ավելացրել է Տիմոշենկոն:
