Առաջին մասը կարող եք կարդալ այստեղ:
8 Ստաֆիլոկոկ
Այս բակտերիան մաշկային հիվանդությունների տարածված հարուցիչ է: Այն առաջացնում է պզուկներ, թարախապալարներ, հերպես և այլն: Ստաֆիլոկոկը սննդամթերքի մեջ կարող է անցնել սննդամթերքի հետ գործ ունենալիս անվտանգության կանոնները չպահպանելու դեպքում: 100 աստիճան ջերմաստիճանի հասնող տաք սնունդը կատարյալ «վայր» է այս բակտերիայի առաջացման և դրա թույնի արտադրման համար: Եփելու ընթացքում այդ թույնը չի վերանում:
Ստաֆիլոկոկը զարգանում է նաև հալած պաղպաղակի մեջ: Ամենամեծ սխալը այդ հալած պաղպաղակը կրկին սառցարան դնելն է: Աղանդերի ափսեն պետք չէ թողնել սեղանի վրա: Դրա փոխարեն ընդհանուր ափսեից վերցրեք այն, ինչ հարկավոր է, և ափսեն հետ դրեք սառնարանի մեջ: Պաղպաղակ գնելիս ուշադրություն դարձրեք, թե ինչպիսի տեսք ունի պաղպաղակի տարան: Եթե այն սառցակալած է, նշանակում է, որ այն կիսով չափ հալած է եղել: Ուստի պետք է ընտրել այլ պաղպաղակ:
7 Սոլանին
Այս թույնը հանդիպում է այն կարտոֆիլների մեջ, որոնք սկսել են ծլել: Ամենամեծ վտանգը գալիս է կարտոֆիլի կեղևից կամ հենց ծիլերից: Եթե կճպեք կարտոֆիլը և լավ եփեք այն, այնքան էլ հավանական չէ, որ կարտոֆիլը հիվանդության պատճառ դառնա: Զգույշ եղեք կարտոֆիլով աղցաններից, մասնավորապես եթե դրանք պատրաստվել են ռեստորանում կամ մթերային խանութում:
6 Թունավորում ձկից
Որոշ տեսակի ձկների օգտագործումից ստացած թունավորումը կարող է լուրջ հետևանքների հանգեցնել: Մասնավորապես վտանգավոր են մեծ և արևադարձային ձկները: Թունավորման մեղմ տեսակը կոչվում է սկոմբրոիդ: Որոշ թունաձկներ և նմանատիպ այլ ձկներ հիսստամինի ավելցուկ ունեն: Հենց այս պատճառով էլ դրանք ուտելուց անմիջապես հետո մարդկանց մոտ կարող է ալերգիկ ռեակցիա առաջանալ: Կարող են սկսվել առատ քրտնարտադրություն, ջղաձգումներ, լուծ և այլն: Եթե թունաձուկ ուտելուց հետո ձեզ մոտ նմանատիպ ախտանշաններ են նկատվում, ապա ձեր կերած ձուկն, ամենայն հավանականությամբ, թունավոր է եղել:
Եթե թարմ ձուկ որսալուց հետո այն պահում են 60°-ից բարձր ջերմաստիճանում, այն կարող է արտազտել այնպիսի թույն, որը չի ոչնչանա եփելու ընթացքում: Սա բնավ կապ չունի սնդիկային թունավորման հետ: Այսպիսով, կարևոր է ոչ միայն լավ եփել ձուկը, այլև նախքան եփելը պահպանել այն բավականաչափ սառը ջերմաստիճանի պայմաններում:
5 Թունավորում ոստրեներից
Բազմաթիվ ոստրեների մեջ պարունակվում են տարբեր թույներ: Դրանք կարող են արտասովոր զգացողություններ առաջացնել: Մարդ կարող է կորցնել շարժունակությունը, բարձր ջերմություն կամ դողէրոցք ունենալ:
4 Նորովիրուս
Նորովիրուսը կարող է առաջանալ սենդվիչների, թխվածքաբլիթների, աղցանների, հում և սառեցված ոստրեների օգտագործումից: Նախքան թանկարժեք դելիկատեսի վերածվելը, ոստրեները բնակվում են ջրում: Եթե ջուրն աղտոտված է լինում, ոստրեները ևս զերծ չեն մնում աղտոտումից: Հում կամ կիսաեփ վիճակում դրանք կարող են պարունակել մանրէներ: Մասնավորապես տարածված են նորովիրուսը և վիբրիո վուլնիֆիկուսը: Վերջինս առաջացնում է լուծ, սրտխառնոց և փսխում:
3 Տոքսոպլազմոզ
Տոքսոպլազմոզ մարդիկ ամենից հաճախ ստանում են կիսաեփ միս ուտելուց: Ըստ որոշ գիտնականների զեկույցի՝ 1990-2011 թթ. միջև ընկած ժամանակահատվածում մսի պատճառով նվազագույնը 1000 հիվանդություն է առաջացել: Հիվանդությունների համար առաջին հարուցիչը հավն է եղել: Այն մոտ 5000 հիվանդության պատճառ է հանդիսացել: Հիվանդությունների մեկ այլ հարուցիչ է համարվել աղացած միսը: Ինչպես փորձագետներն են ասում, հում սննդամթերքը, մասնավորապես՝ չպաստերիզացված կաթը, հում ձվերը, կիսաեփ միսը և հում ոստրեները ամենատարածված ուտելիքներն են, որոնք կարող են թունավորման պատճառ դառնալ: Ուստի այս մթերքները մատուցելուց և ճաշակելուց առաջ դրանք պետք է պատշաճ կերպով լվանալ ու պատրաստել:
2 Սունկ
Վայրի սնկերի մեջ 7 տարբեր տեսակի թույն է պարունակվում: Դրանցից մի քանիսը կարող են մահացու լինել: Բազմաթիվ սնկեր կարող են առաջացնել աղեստամոքասային խնդիրներ, այդ թվում՝ փսխում, փորլուծություն և որովայնային կծկումներ:
1 Բրնձի մնացորդ
Որքան էլ որ զարմանալի թվա, բրնձի մեջ կարող են լինել ջերմակայուն մանրէներ, որոնք չեն վերանում եփման ընթացքում: Եթե բրինձը թողնում եք սենյակային ջերմաստիճանի տակ, այս մանրէները արագորեն բազմանում են: Բրինձը եփելուց պետք է հետո երկու ժամվա ընթացքում սառնարան դնել: Հիշեք նաև, որ եփված բրինձը երեք օրից ավելի չի կարելի պահել:
