Գեղանկարչական արվեստը, ինչպես որ արվեստի մյուս ճյուղերը, սահմաններ չի ճանաչում: Ժամանակակից նկարիչներից այսօր կանդրադառնանք իսպանացի գեղանկարիչ Պակո Պոմետին, ով ապրում ու ստեղծագործում է Իսպանիայի Գրանադա բնակավայրում: Պոմետը 1993թ.-ին ավարտել է Գրանադայի համալսարանի արվեստի բաժինը, իսկ 2004թ.-ին՝ Նյու Յորքի վիզուալ արվեստի դպրոցը:
Գեղանկարիչը եվրոպական տարբեր երկրներում մասնակցել է անհատական ու խմբակային բազմաթիվ ցուցահանդեսների:
Պոմետի գեղանկարներում բնապատկերներն ու դիմապատկերները կարծես պատմական հին լուսանկարներ լինեն` ենթարկված լուսանկարչական հատուկ էֆեկտների:
Նկարչի ձեռագիրն իսկապես առանձնանում է մինչ այժմ մեր կողմից ներկայացված նկարիչների ձեռագրերից:
Նախորդ անգամ անդրադարձել էինք վիետնամցի գեղանկարչուհի Պան Տու Տրենի-աշխատանքներին, որոնք հագեցած էին վառ, տաք ու կենդանի գույներով:
