1in.am-ը գրում է.

Չորեքշաբթի Սիրիայի ռազմաօդային ուժերը հարվածներ են հասցրել շրջանին, որը գտնվում է Լիբանանի սահմանակից Էրսալ քաղաքի մոտ: Ինչպես հաղորդում է Al-Watan գործակալությունը, ինքնաթիռները երեք հարձակում են իրականացրել:

MTV հեռուստաընկերությունը հաղորդել է, որ հարձակումներից մեկի ժամանակ հրթիռները պայթել են Աքբա Ալ-Մաբիդա գյուղում տեղակայված լիբանանյան բանակի անցակետի մոտ:

Հաղորդվում է, որ Սիրիայի զորքերն այս օրերին հակաահաբեկչական գործողություն են անցկացնում Քալամուն լեռնային տեղանքում: Նրանք շրջափակել են Յարբուդ քաղաքը, որը գտնվում է իսլամիստների խոշոր հենակետի մոտ: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել