Դերասան, օպերային երգիչ Արման Նշանյանը, թատերական բուռն գործունեությանը զուգընթաց , մարտի 3-ին ներկայացրեց իր նոր՝ «Մենության գիշեր» կամ «Հայր մեր» տեսահոլովակը: Պրեմիերան ինքնին յուրօրինակ էր, քանի որ կայացավ սուրբ Սարգիս եկեղեցում՝ հոգևորականների, ընկերների, բարեկամների և անծանոթ մարդկանց շրջապատում: Տեսահոլովակում երգիչը հանդես է գալիս չորս կերպարներում, որոնք, լինելով հասարուկության տարբեր խավերի մարդիկ, իրենց փրկությունը տեսնում են միայն եկեղեցում:
ArmStar.am-ը, ներկա գտնվելով տեսահոլովակի պրեմիերային, Արման Նշանյանի հետ առանձնազրույցում պարզել է «Մենության գիշեր»-ի մանրամասները:
Նման երգը և տեսահոլովակը տարբերվելո՞ւ ցանկությունն էր, թե՞ Արման Նշանյանն իրոք վաղուց է փափագել նման տեսահոլովակի մասին:
Կարծում եմ, հավատացյալ մարդը միշտ էլ փափագում է իր գործի շնորհիվ անել ամեն ինչ հանուն հավատքի: Ամենափոքր կատարողն էլ, ինչպես ես, եթե հավատում է Աստծուն, իր պարտքն է համարում անել մի գործ, որը ուժ է տալիս իր հավատքին:
Նշել եք, որ այս երգով ցանկանում եք քաջալերել մարդկանց, ի՞նչ եք կարծում, կհաջողվի՞:
Կարծում եմ՝ կհաջողվի : Այն մարդիկ, ովքեր պատրաստ են քաջալերման, կքաջալերվեն, իսկ ովքեր պատրաստ չեն, ապա կարծում եմ, որ կգա իրենց ժամանակն էլ:
Երգը կոմերցիոն չէ, կարո՞ղ ենք ասել, որ այն Ձեր սրտի խոսքն է:
Ես երբեք չեմ անում կոմերցիոն գործեր, քանի որ ես հավատում եմ՝ կոմերիցան կլինի այնտեղ, որտեղ պետք է լինի : Կոմերցիոն գործերը վատ բան չեն, կարևորը, որ դու հոգուդ դեմ չգնաս հանուն փառքի և փողի : Եթե դու գնաս հոգուդ դեմ, ապա ոչ միայն գործդ չի կհաջողվի, այլ նաև ոգևորությունդ էլ շուտ կավարտվի:
Շարունակությունը` այստեղ