Armsport.am-ը գրում է.
ՀՖՖ տեխնիկական տնօրեն Վարդան Մինասյանը, որի գլխավորությամբ Հայաստանի ընտրանին վաղը՝ մարտի 5-ին ընկերական հանդիպում կանցկացնի Ռուսաստանի ընտրանու հետ, «Կրասնոդար» ակումբի ակադեմիայում մամուլի ասուլիս տվեց՝ պատասխանելով հայ եւ ռուս լրագրողների հարցերին:
- Ո՞վ է առաջարկել նման հանդիպում անցկացնել: Ինչ խնդիրներ է դրված այս խաղում:
- Առաջին մասին կպատասխանի մամուլի քարտուղարը: Նախ ցանկանում եմ շնորհավորել Ռուսաստանին՝ եզրափակիչ փուլ դուրս գալու կապակցությամբ: Մենք միշտ էլ ուրախ են մրցել նման ուժեղ մրցակիցների հետ:
- Հայաստանի հավաքականը 3 տարի առաջ եւ այսօր, թվում է այլ վիճակում է: Չե՞ք ափսոսում, ով հեռացել եք:
- Ես կարճ կասեմ՝ ես երբեք չեմ ամփսոսում: Ես երկար եմ մտածել: 4 տարի աշխատել եմ հավաքականում:
- Ռուսաստանի հետ խաղերի փորձը կօգնի՞ վաղվա խաղում:
- Եթե խոսենք վաղվա խաղի մասին, ապա դժվար է գնահատական տալ: Թե մեր, թե ռուս խաղացողները դեռ չունեն խաղային պրակտիկա: Կարող եմ ասել, որ Ռուսաստանում 2 տարի առաջվա համեմատ փոփոխություններ կան: Ռուսաստանը շատ ուժեղ մրցակից է եւ այժմ ավելի թիմային ֆուտբոլ է խաղում:
- Ասում էին, որ Ռուբինը հետաքրքրված էր Ձեզանով: Արդյո՞ք կար նման բան:
- Կար հետաքրքրություն Ռուսաստանից եւ այլ երկրներից, բայց դրանք միայն խոսակցությունների մակարդակում էին: Ներկայումս բանակցություններ են ընթանում մեկ թիմի հետ:
-Ռուսակա՞ն:
- Նաեւ ռուսական:
- Ինչպե՞ս կբնութագրեք նորանշանակ գլխավոր մարզչին:
- Ես դեռ պատրաստ չեմ պատասխանել այդ հարցին, մենք դեռ լավ ծանոթ չենք: Նրա գլխավորած թիմերի խաղեր չեմ տեսել:
- Ի՞նչ վիճակում են խաղացողները, մասնավորապես Յուրա Մովսիսյանը:
- Յուրա Մովսիսյանը նորմալ վիճակում: Արազը թեթեւ վնասվածք ունի: Առաջիկա մարզումից հետո պարզ կլինի, թե արդյոք Արազը խաղալու է: