1in.am-ը գրում է.

Սոմալիում ավելի քան 850 հազար մարդ սովամահության շեմին է, ևս 2 միլիոնը բնակվում են «սննդային անորոշության» պայմաններում: Ինչպես հաղորդում է Associated Press-ը, այս մասին հայտարարել է հումանիտար գործունեության համակարգման հարցերով ՄԱԿ-ի վարչության ներկայացուցիչ Ջոն Գինգը:

«Դա շատ, շատ խոշոր թիվ է: Այն ցույց է տալիս, որ հումանիտար իրավիճակը, որում գտնվում են Սոմալիի բնակիչները, աղետալի է և անկայուն»,- ասել է նա:

ՄԱԿ-ի ներկայացուցիչը հումանիտար անհրաժեշտ օգնության արժեքը գնահատել է 900 միլիոն դոլար:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել