Lragir.am-ը գրում է.

Եթովպական ավիաուղիների ինքնաթիռն առևանգողը, ինչպես պարզվել է, երկրորդ օդաչուն է: Նա Ադիս Աբեբայից Հռոմ մեկնող ինքնաթիռն իջեցրել է Ժնևի օդանավակայանում:

BBC-ը գրում է, որ առևանգողը գլխավոր օդաչուի զուգարան գնալուց հետո իրեն կողպել է օդաչուների խցիկում և ինքնաթիռը Ժնևում իջեցրել քաղաքական ապաստան ստանալու խնդրանքով:

Ոստիկանությունը ձերբակալել է նրան: Օդանավի անձնակազմն ու 202 ուղևորները չեն տուժել:  

1983 թվականին ծնված օդաչուն ապաստան է խնդրել Եթովպիայում հետապնդման ենթարկվելու վախից: Նրան առևանգման հոդվածով 20 տարվա ազատազրկում է սպառնում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել