Դավիթ Թորոսյանը մեծ օգուտ կտա Հայաստանի հավաքականին. Վանես Մարտիրոսյան

Վանես Մարտիրոսյան. Դավիթ Թորոսյանը մեծ օգուտ կտա Հայաստանի հավաքականին Armsport.am-ը գրում է.

ԱՄՆ-ում բնակվող պրոֆեսիոնալ հայ բռնցքամարտիկ Վանես Մարտիրոսյանը մեծ ուրախությամբ է ընդունել այն լուրը, որ Հայաստանի սիրողական բռնցքամարտի հավաքականի գլխավոր մարզիչ է նշանակվել Դավիթ Թորոսյանը:

«Դավիթ Թորոսյանին շատ լավ եմ ճանաչում: Դեռ յոթ տարեկան էի, երբ սկսեցի մարզվել նրա մոտ: Հայրս, ով նախկինում եղել է բռնցքամարտիկ, ժամանակին տեղեկանալով, որ ԱՄՆ-ում Դավիթ Թորոսյանը խմբակ է բացել, ինձ տարավ նրա մոտ, քանի որ լավ էր ճանաչում նրան:

Բռնցքամարտում Դավիթ Թորոսյանն է իմ հիմքը գցել, ես նրանից շատ բան եմ սովորել եւ շատ ուրախ եմ, որ աշխատելու է Հայաստանի հավաքականում: Նա մեծ օգուտ կտա Հայաստանի հավաքականին: Նա մեծ ավանդ ունի մի շարք հայ բռնցքամարտիկների հաջողություններում»,- armsport.am-ի հետ զրույցում նշեց 27-ամյա բռնցքամարտիկը, ով ներկայումս նախապատրաստվում է մարտի 21-ին Կալիֆորնիայում կայանալիք Լուչիանո Լեոնել Կուելոյի հետ մենամարտին:

Նյութի աղբյուր՝ http://www.armsport.am/hy/news/2014/02/12/%D5%8E%D5%A1%D5%B6%D5%A5%D5%BD-%D5%84%D5%A1%D6%80%D5%BF%D5%AB%D6%80%D5%B8%D5%BD%D5%B5%D5%A1%D5%B6-%D4%B4%D5%A1%D5%BE%D5%AB%D5%A9-%D4%B9%D5%B8%D6%80%D5%B8%D5%BD%D5%B5%D5%A1%D5%B6%D5%A8/428074

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:

Տպել