Kinoashkharh.am-ը գրում է.
Երեկ երեկոյան` հունվարի 29-ին, Մոսկվայում` «Մոսֆիլմ» կինոստուդիայում, տեղի ունեցավ «Ոսկե արծիվ» մրցանակաբաշխության հանդիսավոր արարողությունը:
Գլխավոր անվանակարգում` «Լավագույն ֆիլմ», «Ոսկե արծիվը» շնորհվեց հոկեիստ Վալերի Խառլամովի մասին Նիկոլայ Լեբեդևի «Լեգենդ № 17» կինոնկարը:
Մրցանակը ռեժիսորին հանձնեց քիչ առաջ տարվա պատվավոր հատուկ մրցանակը ստացած Մարկ Զախարովը: Գլխավոր դերերը ֆիլմում խաղացել են Դանիլա Կոզլովսկին և Օլեգ Մենշիկովը: Նրանք մրցանակ չստացան, սակայն «Արծիվ» շնորհվեց Վլադիմիր Մենշովին երկրորդ պլանի տղամարդու դերի համար:
«Տարվա լավագույն ֆիլմ» անվանակարգում, բացի «Լեգենդ № 17»-ից, մրցանակի էին առաջադրված Ժորա Կրիժովնիկովի «Горько»-ն, Ալեքսանդր Վելեդինսկու «Աշխարհագրագետը խմելու տվեց գլոբուսը», Գեորգի Դանելիայի «Կու Կին-ձա-ձա»-ն և Ֆեոդոր Բոնդարչուկի «Ստալինգրադը»:
Լավագույն սցենարի համար պարգևի արժանացան Նիկոլայ Կուլիկովը և Միխայիլ Մեստեցկին, որոնք նույն ֆիլմի սցենարիստներն են: Ռեժիսոր Վալերի Տոդորովսկին, հանձնելով մրցանակը, բոլոր կինեմատոգրաֆիստների անունից ներողություն խնդրեց սցենարիստներից, որոնց աշխատանքը միշտ չէ, որ ըստ արժանվույն է գնահատվում:
Ամբողջական հոդվածը կարող եք կարդալ այստեղ