1in.am-ը գրում է.

Ֆրանսիայի առաջին տիկին Վալերի Տրիերվեյլերը հերքել է Օլանդի և դերասանուհու կապի պատճառով ստեղծված իրավիճակից դուրս գալու համար ամուսնու հետ համաձայնության գալու մասին տեղեկությունը՝ հաղորդում են ֆրանսիական ԶԼՄ-ները՝ հղում կատարելով առաջին տիկնոջ շրջապատում իրենց աղբյուրին: 

Հիշեցնենք, որ փաստաբան Ֆրեդերիկա Ժիֆարը հայտարարել էր, թե Օլանդն ու Տրիերվեյլերը քննարկում են իրավիճակը հրապարակավ բացատրելու հնարավորությունը: Փաստաբանը հայտարարել էր, որ իր հաճախորդը «իրականում ցանկանում է իրավիճակի հարթում»:

ԶԼՄ-ների տեղեկություններով՝ Տրիերվեյլերը մտադիր է հրաժարվել Ժիֆարի ծառայություններից:

Ըստ AFP-ի աղբյուրի՝ Ժիֆարը այդ հայտարարությունը արել էր առանց իր հաճախորդի «համաձայնության ու թույլտվության»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել