Lragir.am-ը գրում է.

Ուկրաինսկայա պրավդա թերթը գրում է, որ Կիևում վերջին 3 օրվա բախումների ժամանակ իրավապահները բռնություն են կիրառել 42 լրագրողների նկատմամբ:

Լրագրողները տուժել են ծեծի, ռետինե փամփուշտների, լուսաձայնային նռնակների հետևանքով:

Միևնույն ժամանակ գիշերը Բերկուտը հարձակվել է Ավտոմայդանի մասնակիցների վրա, ովքեր հսկողություն էին սահմանել 17-րդ հիվանդանոցի մոտ, առևանգել է մի քանիսին և կոտրել է բոլոր ավտոմեքենաները, գրում է unian.net-ը: Հատուկ ջոկատայինները պայթուցիկ սարք են նետել ավտոբուսներից մեկի մեջ:  

Կիևի հիվանդանոցներում տասնյակ վիրավորներ կան: Էսպրեսո ՏՎ-ը գրում է, որ այս գիշեր առնվազն երկու ցուցարար զրկվել է տեսողությունից: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել