Սա իրական պատմություն է, որի համար 20 տարի առաջ` 1994 թվականի հունվար 10-ին, Վիրջինիա նահանգի բնակչուհի Լորենա Բոբբիթը հայտնվեց դատարանում: Նրան մեղադրում էին այն բանի համար, որ դանակով կտրել էր իր քնած ամուսնու` Ջոն Ուեյն Բոբբիթի առնանդամը, իսկ հետո նստել էր մեքենա, գնացել դաշտ ու ամուսնու մարմնի մասը դուրս նետել մեքենայից:
Լորենա և Ջոն Բոբբիթը` դատական նիստի ժամանակ
2011 թվականի հուլիսի 11-ին, Կալիֆորնիայի Գարդեն Գրով գաղաքի բնակիչ Քեթրին Քյուն` ամուսնու (ով դեռ մայիսին սիրուհի էր գտել ու դիմել էր ապահարզանի) հետ վիճաբանությունից հետո, քնաբեր էր լցրել նրա ընթրիքի մեջ: Այնուհետև, երբ ամուսնը քնել էր, նրա ոտքերն ու ձեռքերը կապկպել էր մահճակալին, արթնացրել էր այդ ստոր դավաճանին ու դանակով կտրել էր նրա առնանդամը:
Կտրված օրգանը նա մտցրել էր աղացի մեջ, աղացել էր այն և նոր զանգել էր շտապ օգնություն` ամուսնու համար և ոստիկանություն` իր: Բնականաբար, մինչև բժիշկները ժամանել էին, հետ կարելու բան էլ չէր մնացել, և խեղճ ամուսնը այլևս միայն անկարող էր միզել իր մարմնի այդ մասով, իսկ սեռական կյանքի մասին կարող էր մոռանալ… եթե, իհարկե, խոսում ենք հետերոսեքսուալ ավանդական սեռական կյանքի մասին:
Ժամանած ոստիկաններին Քյուն բացատրել էր, որ իր ամուսինը արժանի էր նման պատժի, այն բանի համար, ինչ նա արել էր իր հետ: Կնոջ փաստաբանները հետագայում պնդում էին, որ կինն անմեղսունակ է, և գտնվել է դեպրեսիայի մեջ: Սակայն երդվյալ ատենակալները չէին ընդունել այդ փաստարկները, և 2013 թվականի հունիսի 28-ին դատավորը որոշեց Քեթրինին դատապարտել ցմահ ազատազրկման` 7 տարի անց արտահերթ ազատ արձակվելու իրավունքով: Սակայն, եթե անգամ Քեթրինը ազատություն էլ ստանա, չեմ կարծում, որ կգտնվի այնպիսի տղամարդ, ով կհամաձայնվի իրեն նման ռիսկի ենթարկել ու ամուսնանալ այս մոլագարի հետ:
